• Yaratildi: 01.04.2024
• Yangilandi: 01.04.2024
• O'qildi: 2941

Orol taqdiri – kelajak avlod taqdiri

26-30-mart kunlari “NKMK” AJ, “Navoiyuran” DK, “NKMK Jamgʻarmasi” DM va Navoiy davlat konchilik va texnoligiyalar universitetidan 100 nafar yoshlar “Yashil makon” umummilliy loyihasi va “O‘zbekiston bo‘ylab sayohat qil” loyihasi doirasida “Orol taqdiri – kelajak avlod taqdiri” shiori ostida Orol dengizining qurigan qismida saksovul ko‘chatlarini o‘tqazish aksiyasida faol ishtirok etishdi.

Dastlab aksiya ishtirokchilari Xorazm viloyati Urganch shahridagi buyuk sarkarda Jaloliddin Manguberdi haykalini ziyorat qilishdi. 27-martda ular Xiva shahriga kelib, qadimiy shahridagi tarixiy obidalarni ziyorat qilishdi.

28-mart kuni tadbir ishtirokchilari tomonidan NKMK yoshlar yetakchilari Kengashi raisi S.Rajabov boshchiligida “Orol taqdiri – kelajak avlod taqdiri” shiori ostida Qoraqalpogʻiston Respublikasi Moʻynoq shahridan 80 kilometr uzoqlikda joylashgan Orol dengizining qurigan qismida 100 mingta saksovul koʻchatlari oʻtqazildi.   

29-martda kombinat yoshlari Moʻynoq tumanidagi madaniyat uyiga tashrif buyurib, bu yerdagi muzey bilan yaqindan tanishdi. Shuningdek, ular Moʻynoqdagi “Kemalar qabristoni”da bo‘lib, Orol dengizi tarixi muzeyi bilan yaqindan tanishdi. Shu bilan birga, tadbir ishtirokchilari Moʻynoq tumanidagi bir nechta umumta’lim maktablarida bo‘lib, o‘quvchilar bilan suhbatlashishdi. Ushbu maktablarga kombinat tomonidan kitoblar topshirildi. Kombinat yoshlari va Moʻynoq tumanidagi bilimdon yoshlar ishtirokida “Zakovat” intellektual oʻyini oʻtkazildi, sport sevar yoshlar oʻrtasida voleybol sport turi boʻyicha musobaqa tashkil etildi.  

30-mart kuni aksiya ishtirokchilari Qoraqalpogʻiston Respublikasi Nukus shahriga kelib, I.V. Savitskiy nomidagi Davlat sanʼat muzeyiga sayohat qilishdi. Shuningdek, ular Nukusdagi Berdaq nomidagi davlat drama teatriga tashrif buyurib, Chingiz Aytmatovning “Jamila” asari asosidagi spektalni tomosha qilishdi.

“NKMK” AJ Matbuot xizmati.