• Yaratildi: 12.03.2024
• Yangilandi: 12.03.2024
• O'qildi: 2017

Universitetlarning professor-o‘qituvchilari kombinatda

Bugungi kunda “Navoiy kon-metallurgiya kombinati” AJda ishlab chiqarish jarayonlariga raqamli texnologiyalar, zamonaviy axborot tizimlari hamda dasturiy mahsulotlarni joriy etish bo‘yicha keng ko‘lamli ishlar olib borilmoqda.

Bu boradagi ishlar bilan yaqindan tanishish maqsadida Muhammad al-Xorazmiy nomidagi Toshkent axborot texnologiyalari universiteti hamda Navoiy davlat konchilik va texnologiyalar universiteti professor-o‘qituvchilari 12-mart kuni kombinatga tashrif buyurdilar.

Navoiy davlat konchilik va texnologiyalar universitetida bo‘lib o‘tgan davra suhbatida bugungi kunda sohada olib borilayotgan ishlar, istiqbolli hamkorlik rejalari muhokama etilib, mutaxassislar o‘zaro tajriba almashdi.

Bugun oliy taʼlim muassasalari vakillari “Muruntov” konida bo‘lib, konda olib borilayotgan geologik-qidiruv, maʼdan qazib olish va tashish ishlariga zamonaviy raqamli texnologiyalarning joriy etilganligi bilan yaqindan tanishdi.

 “NKMK” AJ Matbuot xizmati.