O'zbekiston Respublikasi, Navoiy viloyati, Navoiy sh., Navoiy ko'chasi 27
Du - Ju: 08:00 - 17:00
Dam olish kunlari: shanba,yakshanba
 |
 |
 |
 |
 |
 |
 |
 |
 |
Intellektual kapital – innovatsion rivojlanish drayveri
- Yaratildi: 12.03.2024
- Yangilandi: 12.03.2024
- O'qildi: 1817
Intellektual kapital – innovatsion rivojlanish drayveri
“Navoiy kon-metallurgiya kombinati” AJ O‘zbekiston konchilik va metallurgiya tarmog‘ining yetakchi korxonasi bo‘lib, ilmiy-tadqiqot va tajriba-konstruktorlik ishlariga investitsiyalar hajmi hamda ishlab chiqarishga joriy etilgan istiqbolli ishlanmalar va ratsionalizatorlik takliflar soni bo‘yicha yetakchi hisoblanadi. Shuningdek, kombinatda ilmiy va ilmiy-texnik ishlanmalarni tijoratlashtirishda katta tajriba to‘plangan.
Korxonada 25 nafar fan nomzodi va 10 nafar fan doktori mehnat qilayotgani buning tasdig‘idir. 2017-yilda mamlakatimiz konchilik va metallurgiya tarmog‘i tarixida ilk marotaba Navoiy kon-metallurgiya kombinati va Navoiy davlat konchilik instituti (hozirgi Navoiy davlat konchilik va texnologiyalar universiteti) mutaxassislari murakkab tarkibli, qayta ishlash qiyin bo‘lgan rudalardan oltin ajratib olishning yangi texnologiyasini yaratganliklari uchun Birlashgan Millatlar Tashkiloti Butunjahon intellektual mulk tashkilotining Oltin medaliga sazovor bo‘lishdi. 2019-yilda NKMK mutaxassislari tomonidan geotexnologiya sohasida nоu-хаu ishlab chiqildi. 2022-yilda kombinatning bir guruh olim va mutaxassislari “Texnologik va ishlanishi murakkab bo‘lgan oltin tarkibli maʼdanlarni qayta ishlash va o‘zlashtirishning kompleks texnologiyalarini ishlab chiqish va joriy etish” bo‘yicha ilmiy-amaliy ishlanmasi uchun fan va texnika sohasida birinchi darajali Davlat mukofoti bilan taqdirlandilar.
Shuningdek, “NKMK” AJda ixtirochilik faoliyati yaxshi rivojlangan bo‘lib, O‘zbekiston Respublikasi Intellektual mulk markazi bilan hamkorlik yo‘lga qo‘yilgan. So‘nggi yillarda yuqori ilmiy salohiyatga ega kombinat mutaxassislari tomonidan 43 ta ixtiro patentlangan bo‘lib, shundan 40 tasi – O‘zbekiston Respublikasida, 2 tasi – Shveysariya va Germaniyada, 1 tasi – Rossiyada.
Mo‘g‘uliston, Janubiy Afrika, Yevroosiyoning 8 ta davlati va Afrika qitʼasining 17 ta davlatidan ko‘plab yetakchi kompaniyalar "IAP 05134" patenti bo‘yicha hamkorlik qilish uchun murojaat qilishdi. 2018-yildan boshlab ixtirolarni joriy etishdan olingan iqtisodiy samara 1,5 trln so‘mdan ortiq mablag‘ni tashkil etdi.
Kombinat bo‘linmalarida ilmiy-tadqiqot va tajriba-konstruktorlik ishlari olib borilmoqda, ratsionalizatorlik g‘oyalar texnik hujjatlar va innovatsiyalarning tajriba namunalariga aylantirilmoqda, yaʼni innovatsion jarayonning yana bir jihati amalga oshirilmoqda.
“NKMK” AJ yangi texnologiyalarni joriy yetish bo‘yicha Innovatsion markazi faoliyati natijalariga ko‘ra 2018-2023-yillarda kombinat mutaxassislarining 1 049 ta ratsionalizatorlik taklifi ishlab chiqarishga joriy yetilib, 537,6 mlrd so‘mlik iqtisodiy samara olindi.
Manba: “Pravda Vostoka” gazetasining
2024-yil 15-fevraldagi 33-sonida chop etilgan
“NKMK” AJ bosh muhandisi Atabek Ravshanovning maqolasidan.
