• Yaratildi: 05.03.2024
• Yangilandi: 05.03.2024
• O'qildi: 2942

Kompaniya vakillari Kanadada nufuzli anjumanda ishtirok etmoqda

Joriy yilning 3-6-mart kunlari Kanadaning Toronto shahrida tog‘-kon sanoati, shu jumladan foydali qazilmalarni qidirish va qazib olish bo‘yicha dunyodagi eng yirik tadbir – “PDAC 2024: The World‘s Premier Mineral Exploration & Mining Convention” anjumani bo‘lib o‘tmoqda.

1932-yildan boshlab Kanadaning konchilar va ishlab chiqaruvchilar assotsiatsiyasi tomonidan Toronto shahrida o‘tkazilayotgan “PDAC” anjumanida har yili dunyoning 130 dan ortiq mamlakatidan 30 ming nafar ishtirokchi, mingdan ortiq kompaniyalar vakillari qatnashib kelmoqda. Mazkur anjuman doirasida tarmoq ko‘rgazmalari va tadbirlari, taqdimotlar, investorlar bilan uchrashuvlar, ikki tomonlama muzokaralar olib borilmoqda.     

Mazkur anjumanda “Navoiy kon-metallurgiya kombinati” AJ vakillari, xususan bosh direktorning transformatsiya masalalari bo‘yicha birinchi o‘rinbosari Ye.Antonov, bosh direktorning iqtisod va moliya bo‘yicha o‘rinbosari J.Hasanov, Xaridlarni tashkil etish va metodologiyasini takomillashtirish bosh boshqarmasi boshlig‘i M.Amonov, Korporativ moliya bo‘limi boshlig‘i o‘rinbosari A.Xudoyorovlar ishtirok etmoqda.

  “NKMK” AJ Matbuot xizmati.