• Yaratildi: 27.02.2024
• Yangilandi: 27.02.2024
• O'qildi: 3426

Qozog‘iston delegatsiyasi bilan uchrashuv o‘tkazildi

26-fevral kuni Qozog‘iston Respublikasining O‘zbekistondagi Favqulodda va Muxtor elchisi Beybut Atamkulov boshchiligidagi delegatsiya Navoiy kon-metallurgiya kombinatiga tashrif buyurdi.

“NKMK” AJ boshqarmasida kombinat rahbariyati va xorijiy delegatsiya vakillari o‘rtasida uchrashuv o‘tkazildi. Uchrashuvda ikki davlat o‘rtasida savdo-iqtisodiy va ilmiy-texnikaviy sohalardagi, shu jumladan, tog‘-kon sanoatidagi hamkorlikni kengaytirish masalalari muhokama etildi.

Muloqot davomida “NKMK” AJ Boshqaruvi raisi – Bosh direktori Quvondiq Sanaqulov kombinat faoliyati, so‘nggi yillarda ishga tushirilgan yangi korxonalar, erishilgan yutuqlar va amalga oshirilayotgan loyihalar haqida so‘zlab berdi.

Shuningdek, uchrashuvda kombinatda ilm-fan va ishlab chiqarish integratsiyasiga katta eʼtibor qaratilayotganligi hamda bu borada Navoiy davlat konchilik va texnologiyalar universiteti bilan hamkorlikda keng ko‘lamli ishlar amalga oshirilayotganligi to‘g‘risida taʼkidlab o‘tildi.    

 “NKMK” AJ Matbuot xizmati.