• Yaratildi: 22.12.2023
• Yangilandi: 22.12.2023
• O'qildi: 2029

2023-yilning muhim voqealari: may, iyun oylari

MAY OYI

➡️ 11-may kuni "NKMK" AJ Navoiy mashinasozlik zavodi Quymachilik sexida texnologik jarayonlarni raqamlashtirish evaziga modernizatsiya qilingan 6 tonnalik metall eritish pechi ishga tushirildi.

➡️ 16-may kuni Samarqand shahrida Yevropa tiklanish va taraqqiyot banki Boshqaruvchilar kengashining 32-yillik anjumani doirasida o‘tkazilgan biznes-forumda kombinat vakillari ishtirok etishdi.

➡️ 18-may kuni “Muruntov” ohaktosh konida maydalab saralash majmuasi foydalanishga topshirildi.

➡️ 19-may kuni Navoiy shahridagi “Farhod” madaniyat saroyida O‘zbekiston Respublikasi konchilik va metallurgiya sanoati xodimlari kuniga bag‘ishlangan bayram tantanasi bo‘lib o‘tdi.

IYUN OYI

➡️ 8-iyun kuni Nurota tumani hududida joylashgan “Pistali” konida oltin tarkibli maʼdanlarni qayta ishlash majmuasi – 6-gidrometallurgiya zavodining birinchi tegirmon bloki ishga tushirildi.

➡️ Kanadaning Kitco xalqaro tahliliy markazi 2022-yilda dunyodagi Top-10 ta eng yirik konlar ro‘yxatini eʼlon qildi. Mazkur ro‘yxatga ko‘ra, “Muruntov” koni o‘tgan yilda oltin qazib olish bo‘yicha dunyoda yetakchilardan biri bo‘ldi.

➡️ 21-iyun kuni Toshkent shahrida o‘tkazilgan Tog‘-kon va metallurgiya sanoatini rivojlantirish konferensiyasida kombinat vakillari ishtirok etishdi.

➡️ 26-iyun kuni London oltin quymalari bozori Assotsiatsiyasi (LBMA – London Bullion Market Association) NKMKning yuqori sifatli oltinni ishonchli yetkazib beruvchisi bo‘lgan “Optimal yetkazib beruvchi” maqomini yana bir bor tasdiqladi.

“NKMK” AJ Matbuot xizmati.