• Yaratildi: 13.12.2023
• Yangilandi: 13.12.2023
• O'qildi: 2866

O‘zbekiston va Markaziy Osiyo tog‘-kon sanoati 2-xalqaro kongressi hamda ko‘rgazmasi

12-13-dekabr kunlari Toshkentda O‘zbekiston va Markaziy Osiyo tog‘-kon sanoati 2-xalqaro kongressi hamda ko‘rgazmasi bo‘lib o‘tmoqda.

Mazkur xalqaro tadbirda O‘zbekiston hamda Markaziy Osiyoning tog‘-kon sanoati sohasidagi yetakchi korxonalari rahbarlari, investitsiya loyihalarining tashabbuskorlari, sohaning vakolatli organlari, nazorat organlari, ishlab chiqaruvchilar, uskunalar va xizmatlar yetkazib beruvchi, injiniring, qurilish-loyiha kompaniyalarining vakillari ishtirok etmoqda.

Kongressda tog‘-kon sanoatining yetakchi kompaniyalari, katta investitsion loyihalar, yangi konlarni o‘zlashtirish, soha korxonalarining samaradorligini oshirish va yana boshqa dolzarb masalalar muhokama qilinmoqda.

Kongressning yalpi majlisi va birinchi kun sessiyalarida Tog‘-kon sanoati va geologiya vazirligi, “Navoiy kon-metallurgiya kombinati” AJ, “Olmaliq kon-metallurgiya kombinati” AJ, “Sharg‘unko‘mir” AJ, “Navoiyuran” davlat korxonasi vakillari dolzarb mavzular yuzasidan ma’ruzalari bilan qatnashishdi.

Manba: https://t.me/uzdavgeolcom/15423