• Yaratildi: 11.12.2023
• Yangilandi: 11.12.2023
• O'qildi: 2054

Zamonaviy avtoag‘dargichlar keng qo‘llanilmoqda

“Navoiy kon-metallurgiya kombinati” AJda transport sohasi muhim ahamiyat kasb etadi. Oltin tarkibli maʼdanlarni konlardan qazib olish, yuklash, qayta ishlash uchun gidrometallurgiya zavodlariga yetkazish va boshqa xizmatlar aynan avtotransport vositalari yordamida amalga oshirilmoqda.

Xususan, kombinat avtotransport parki yildan yilga zamonaviy og‘ir yuk ko‘taruvchi avtoag‘dargichlar bilan kengaymoqda. Kombinatda amalga oshirilayotgan investitsiya loyihalari doirasida konchilik ishlarini bajarish uchun olib kelinayotgan 55 tonnadan 220 tonnagacha yuk ko‘taruvchi “Caterpillar”, “Komatsu” rusumli avtoag‘dargichlar Markaziy va Shimoliy kon boshqarmalarining Avtomobil transporti boshqarmalarida yig‘iladi.

Konchilik ishlarini amalga oshirishda bu kabi zamonaviy avtotransport vositalaridan foydalanish yuqori ish unumdorligini taʼminlashga xizmat qiladi.

“NKMK” AJ Matbuot xizmati.