• Yaratildi: 07.12.2023
• Yangilandi: 07.12.2023
• O'qildi: 825

Konstitutsiya – xalqchil davlat, barqaror taraqqiyot va farovon hayot asosi!

8-dekabr – O‘zbekiston Respublikasi Konstitutsiyasi kuni hamda 10-dekabr – O‘zbekiston Respublikasi Davlat madhiyasi qabul qilingan kun munosabati bilan Navoiy kon-metallurgiya kombinati bo‘linmalarida ishchi-xodimlar uchun turli maʼnaviy-maʼrifiy tadbirlar, uchrashuvlar o‘tkazilmoqda.

Jumladan, Markaziy va Janubiy kon boshqarmalarida “Konstitutsiya – xalqchil davlat, barqaror taraqqiyot va farovon hayot asosi!”, Shimoliy kon boshqarmasida “Konstitutsiya - baxtimiz qomusi!” shiorlari ostida uchrashuv va ma'naviy-ma'rifiy tadbirlar bo‘lib o‘tdi. Tadbirlarda Zarafshon shahar ixtisoslashtirilgan prokuraturasi, Qo'shrabot va Uchquduq tumanlari adliya va ichki ishlar bo‘limlari hamda jamoat tashkilotlari vakillari ishtirok etishdi.

Tadbirlarda yangi tahrirdagi Konstitutsiyamizning mazmun va mohiyati, Bosh qomusimizning jamiyat hayotida tutgan o‘rni haqidagi fikr-mulohazalar bildirildi.  

“NKMK” AJ Matbuot xizmati.