• Yaratildi: 04.12.2023
• Yangilandi: 04.12.2023
• O'qildi: 818

Spartakiadaning birinchi bosqichi o‘tkazildi

1-3-dekabr kunlari Navoiy shahridagi “So‘g‘diyona” jismoniy tarbiya va sport majmuasida “Navoiy kon-metallurgiya kombinati” AJ, “Navoiyuran” DK, “NKMK jamg‘armasi” DM ishchi-xodimlari o‘rtasida spartakiada o‘tkazildi.

Mazkur spartakiadaning 1-bosqichida sportning mini-futbol, basketbol va shaxmat turlari bo‘yicha musobaqalar bo‘lib o‘tdi. Musobaqalarda korxonalarning Navoiy, Zarafshon, Uchquduq, Nurobod shaharlari, Zafarobod qo‘rg‘onidagi bo‘linmalaridan jamoalar qizg‘in bahslarda o‘zaro kuch sinashdi.

Musobaqalar yakunlari bo‘yicha g‘olib va sovrindorlarga medal, diplom va qimmatbaho sovg‘alar topshirildi.

Spartakiadaning 2-bosqichi 15-17-dekabr kunlari o‘tkazilishi rejalashtirilgan.

“NKMK” AJ Matbuot xizmati.