• Yaratildi: 22.11.2023
• Yangilandi: 22.11.2023
• O'qildi: 2309

Kombinatda “Ochiq eshiklar kuni” bo‘lib o‘tdi

“Navoiy kon-metallurgiya kombinati” aksiyadorlik jamiyati faoliyatida ochiqlik va shaffoflikni taʼminlash, korrupsiyaga qarshi kurashish borasida ishchi-xodimlarning huquqiy ongi vа madaniyatini oshirish maqsadida joriy yilning noyabr-dekabr oylarida “Korrupsiyaga qarshi kurashish oyligi” o‘tkazilmoqda.

Xususan, mazkur oylik doirasida korxona ishchi-xodimlari uchun 9-dekabr – Xalqaro korrupsiyaga qarshi kurashish kuniga bag‘ishlangan “Ochiq eshiklar kuni” tadbiri 22-noyabr kuni Navoiy shahridagi “NKMK tarixi” muzeyida bo‘lib o‘tdi.

Navoiy ixtisoslashtirilgan prokuraturasi, Adliya boshqarmasi, Monopoliyaga qarshi kurashish boshqarmasi bilan hamkorlikda tashkil etilgan tadbirda “NKMK” Komplayens xizmati o‘rinbosari B.Toshev, Navoiy ixtisoslashtirilgan prokurori Sh.G‘afforov, Adliya boshqarmasi bo‘lim boshlig‘i D.Kattayeva vа Monopoliyaga qarshi kurashish boshqarmasi boshlig‘i o‘rinbosari M.Elmurodovlarning mavzuga oid maʼruzalari tinglandi.

Tadbirda taʼkidlanganidek, joriy yilda Navoiy kon-metallurgiya kombinati tashkil topganiga 65 yil to‘ldi. Bugungi kunda korxonada 40 dan ortiq millatga mansub qariyb 50 ming nafar yuqori malakali ishchi, muhandis vа mutaxassislar mehnat qilishmoqda. Keyingi yillarda mamlakatimizda konchilik ва metallurgiya sohasi rivojiga qaratilayotgan eʼtibor hamda ishlab chiqarishga zamonaviy texnologiyalar jadal joriy etilayotgani tufayli kombinat oltin ishlab chiqarish bo‘yicha yetakchi xorijiy kompaniyalar orasida 7-o‘rindan 4-o‘ringa ko‘tarildi. Qator yirik investitsiya loyihalarini amalga oshirish natijasida 2023-yilda oltin ishlab chiqarish hajmi 2016-yilga nisbatan 25 foiz, kumush esa 46 foizga oshadi.

Bugungi kunda kombinat faoliyatida ochiqlik vа shaffoflikni taʼminlash, korrupsion harakatlarni oldini olish vа bartaraf etishga katta eʼtibor qaratilayapti. Jumladan, 2021-yilda korxona tizimida Komplayens xizmati tashkil etildi. Komplayens xizmatining asosiy vazifalari korrupsiyaga oid huquqbuzarliklarni o‘z vaqtida aniqlash, ularga chek qo‘yish vа ularni keltirib chiqaruvchi sabab vа shart-sharoitlarni aniqlab bartaraf etish chorlarini ko‘rish, ishchi-xodimlar uchun huquqiy targ‘ibot vа profilaktik tadbirlar o‘tkazish, xaridlar sohasini nazorat qilish, o‘rganish vа xizmat tekshiruvlarni o‘tkazish, xalqaro sertifikatlarni olish hamda xodimlarning malakasini oshirishdan iboratdir. Joriy yilda Komplayens xizmati tomonidan raqobat talablarining buzilish xavflarini kamaytirish, kombinat bo‘linmalarida korrupsiyaviy xavf-xatarlarni aniqlash vа baholash, korxonada ochiqlik darajasini yanada oshirish bo‘yicha ishlar olib borilmoqda.

Shuningdek, tadbir ishtirokchilariga mamlakatimizda korrupsiyaga qarshi kurashish bo‘yicha qabul qilingan normativ-huquqiy hujjatlar mazmun-mohiyati, olib borilayotgan ishlar, korrupsiya uchun javobgarlik masalalari, uni oldini olishga qaratilgan chora-tadbirlar hamda mazkur yo‘nalishdagi xorijiy tajribalar atroflicha tushuntirildi.  

Tadbir yakunida kombinat ishchi-xodimlarining savollariga batafsil javoblar berildi.

“NKMK” AJ Matbuot xizmati.