• Yaratildi: 20.11.2023
• Yangilandi: 20.11.2023
• O'qildi: 1981

Normativ-huquqiy hujjatlarning mazmun-mohiyati tushuntirildi

Navoiy kon-metallurgiya kombinati faoliyatida ochiqlik va shaffoflik taʼminlash, korrupsiyaga qarshi kurashish borasida ishchi-xodimlarning huquqiy ongi va madaniyatini oshirish maqsadida joriy yilning noyabr-dekabr oylarida kombinat bo‘linmalarida “Korrupsiyaga qarshi kurashish oyligi” o‘tkazilmoqda.

Jumladan, mazkur oylik doirasida Navoiy mashinasozlik zavodida Navoiy ixtisoslashtirilgan prokuraturasi bilan hamkorlikda korxona ishchi-xodimlariga korrupsiyaga qarshi kurashish bo‘yicha qabul qilingan normativ-huquqiy hujjatlarning mazmun-mohiyatini tushuntirish bo‘yicha seminar tashkil etildi.

Seminarda Navoiy ixtisoslashtirilgan prokurori Sh.G‘afforov va “NKMK” AJ Komplayens xizmati masʼul xodimi Sh.Shuhratovlarning mavzuga oid maʼruzalari tinglandi. Xodimlarga korrupsiya uchun javobgarlik masalalari, uni oldini olishga qaratilgan chora-tadbirlar hamda mazkur yo‘nalishdagi xorijiy tajribalar yuzasidan tushuntirishlar berildi.

Tadbir yakunida korxona xodimlari tomonidan savol va takliflar bildirildi.

“NKMK” AJ Matbuot xizmati.