• Yaratildi: 02.11.2023
• Yangilandi: 02.11.2023
• O'qildi: 4121

Kombinat vakillari xalqaro forumda ishtirok etmoqda

Toshkent shahrida 1-3-noyabr kunlari o‘tkazilayotgan 17-Xalqaro “Tog‘-kon ishi, metallurgiya va metallsozlik – MiningMetals  Uzbekistan 2023” ko‘rgazmasi doirasida 5-O‘zbekiston xalqaro kon-metallurgiya forumi (UIMF 2023) bo‘lib o‘tmoqda.

Ushbu tadbirning ahamiyati shundaki, unda mamlakatimiz va xorijiy davlatlarning konchilik va metallurgiya korxonalari, tarmoq vazirliklari vakillari va rahbarlari, xorijiy investorlar va soha mutaxassislari jamlangan.

Navoiy kon-metallurgiya kombinati mazkur forumning bosh hamkori sifatida ishtirok etmoqda. 1-noyabr kuni “NKMK: yangi vazifalar, yangi imkoniyatlar” mavzusida panel muhokamasi o‘tkazildi. Ushbu muhokamada "NKMK" AJ bosh direktorining transformatsiya masalalari bo‘yicha birinchi o‘rinbosari Yevgeniy Antonov, resurslar bo‘yicha direktor Lyubov Yegorova, Ishlab chiqarishni avtomatlashtirish boshqarmasi boshlig‘i Vohidjon Po‘latov, Transformatsiya boshqarmasi Loyiha ofisining Tashkiliy rivojlanish yo‘nalishi rahbari Raʼno Qosimova, ayollar Kengashi raisi Sabohat Nazarovalar ishtirok etishdi.

Tadbirda kombinat oldida turgan vazifalar, yangilanishlarning ahamiyati va dolzarbligi, korxona xomashyo bazasini rivojlantirish istiqbollari, ish samaradorligini oshirishda raqamlashtirishning o‘rni hamda xotin-qizlarning konchilik sanoatidagi roli va ahamiyati to‘g‘risidagi masalalar muhokama qilindi.

 “NKMK” AJ Matbuot xizmati.