• Yaratildi: 21.09.2023
• Yangilandi: 21.09.2023
• O'qildi: 2847

Datamine kompaniyasi vakillari bilan uchrashuv bo‘lib o‘tdi

“NKMK” AJning Toshkent shahridagi vakolatxonasida kombinat rahbariyati va Datamine (Buyuk Britaniya) xalqaro kompaniyasi vakillari uchrashuvi bo‘lib o‘tdi.

Uchrashuvda taʼkidlanganidek, ikki kompaniya o‘rtasidagi hamkorlik 2016-yilda boshlangan bo‘lib, buning natijasida kombinat tomonidan konchilik ishlarini rejalashtirish jarayonlariga Datamine yechimlari muvaffaqiyatli joriy etildi. Tomonlar “NKMK” AJ raqamli transformatsiyasi jarayonida hamkorlikni yana-da rivojlantirish imkoniyatlarini muhokama qildilar. Zamonaviy texnologiya va vositalardan foydalanish ish samaradorligini sezilarli darajada oshirish va yer osti boyliklarini qazib olish tannarxini kamaytirish imkonini berishi alohida qayd etildi.

Uchrashuv davomida Datamine vakillari kombinatning amaldagi ishlab chiqarish jarayonlariga joriy qilinishi mumkin bo‘lgan qator mahsulot va yechimlarni namoyish etdilar. Ishlab chiqarishni boshqarish jarayonlarini avtomatlashtirish, konchilik ishlarini rejalashtirishni optimallashtirish, shuningdek, zamonaviy nazorat va monitoring tizimlarini joriy etish masalalari muhokama qilindi.

Maʼlumot uchun, Datamine kon muhandisligi va jarayonlarni optimallashtirish bo‘yicha raqamli yechimlari bilan mashhur. Kompaniya deyarli barcha qazib olish jarayonlarini qamrab oluvchi keng turdagi mahsulot va xizmatlarga ega.

“NKMK” AJ Matbuot xizmati.