• Yaratildi: 20.09.2023
• Yangilandi: 20.09.2023
• O'qildi: 1887

Korrupsiyaga qarshi kurashish bo‘yicha seminar o‘tkazildi

“Navoiy kon-metallurgiya kombinati” AJ bo‘linmalarida ishchi-xodimlarga korrupsiyaga qarshi kurashish bo‘yicha qabul qilingan normativ-huquqiy hujjatlarning mazmun-mohiyatini tushuntirish bo‘yicha seminarlar tashkil etilmoqda.

Yaqinda shunday seminarlar Navoiy mashinasozlik zavodi xodimlari ishtirokida o‘tkazildi. Tadbirda Navoiy ixtisoslashtirilgan prokurori o‘rinbosari B.Axmedov va “NKMK” AJ Komplayens xizmati mas’ul xodimi Sh.Shuhratovning maʼruzalari tinglandi.

Shuningdek, xodimlar “NKMK” AJning korrupsiyaga qarshi kurashish siyosati, xodimlarning Odob-axloq kodeksi, Manfaatlar to‘qnashuvini boshqarish bo‘yicha Nizom, Korrupsiyaga oid huquqbuzarliklar haqida xabar bergan xodimlarni rag‘batlantirish Tartibi, Kontragentlarni tekshirishga oid Yo‘riqnoma bilan tanishtirildi.

Tadbirlar yakunida kombinat xodimlari tomonidan savol va takliflar bildirildi.

“NKMK” AJ Matbuot xizmati.