• Yaratildi: 06.09.2023
• Yangilandi: 06.09.2023
• O'qildi: 4274

Diqqat, vakant lavozimga ochiq tanlov!!!

“NKMK” AJ Мehnat muhofazasi va xavfsizlik texnikasi bosh boshqarmasi Navoiy boshqarmasi "1-GMZ" kon boshqarmasi bo‘linmalari bo‘yicha mehnat muhofazasi va xavfsizlik texnikasi muhandisi lavozimiga ochiq tanlovni eʼlon qiladi.

Majburiyatlar:

- Bo‘linmalardagi mehnat muhofazasi holatini nazorat qilish va xodimlar tomonidan qonunlar va boshqa normativ-huquqiy hujjatlar, mehnat muhofazasi bo‘yicha texnik tartibga solish sohasidagi me’yoriy hujjatlar, jamoa shartnomasi, mehnat muhofazasi bo‘yicha kelishuvlar, mehnat muhofazasi va xavfsizlik texnikasi bo‘yicha Jamiyatining boshqa ichki normativ hujjatlariga rioya etilishini nazorat qilish.

- Ishlab chiqarishdagi shikastlanishlar, kasb kasalliklari va ishlab chiqarish omillari ta’sirida yuzaga keladigan kasalliklarning holatini tahlil qilish va sabablarini aniqlash.

- Ishchi-xodimlar uchun mehnat muhofazasi bo‘yicha yo’riqnomalarni ishlab chiqish va qayta ko‘rib chiqishda uslubiy yordam ko‘rsatish.

- Xodimlarni o‘z vaqtida o‘qitish, bilimlarni tekshirish va mehnat muhofazasi bo‘yicha barcha turdagi yo‘l-yo‘riqlarni o‘z vaqtida o‘tkazilayotganligini nazorat qilish.

- Ishchilarni xavfsiz ishlash tarziga o‘rgatish, qayta tayyorlash, bilimlarini tekshirish va mehnatni muhofaza qilish masalalari bo‘yicha malakasini oshirish dasturlarini ishlab chiqishda ishtirok etish.

- Baxtsiz hodisalar va kasb kasalliklari va boshqa hodisalarni tekshirishda, amaldagi qonunchilikka muvofiq ishtirok etish.

- Jamoa shartnomasining mehnat muhofazasi bo‘yicha bitimini ishlab chiqish va amalga oshirishda ishtirok etish.

- Axborot va xizmat xatlaridan foydalangan holda mehnatni muhofaza qilish yig‘ilishlarida xodimlarni ish joyidagi mehnat sharoitlarining holati, kasbiy kasalliklarning kelib chiqish sabablari va mumkin bo‘lgan muddatlari, shuningdek xavfli va zararli ishlab chiqarish omillaridan himoya qilish choralari to‘g‘risida xabardor qilish.

- Tegishli bo‘limlar (xizmatlar) bilan birgalikda ishlab chiqarishdagi baxtsiz hodisalar va kasb kasalliklarining oldini olish, mehnat sharoitlarini yaxshilash, ularning mehnatini muhofaza qilish sohasidagi texnik jihatdan tartibga solish sohasidagi normativ-huquqiy hujjatlar va boshqa hujjatlar talablariga muvofiqligini ta’minlash bo‘yicha chora-tadbirlarni ishlab chiqadi, shuningdek, rejalashtirilgan tadbirlarni amalga oshirish uchun tashkiliy yordam ko‘rsatish.

- Mehnat muhofazasi va xavfsizlik texnikasi bo‘yicha yillik kompleks chora-tadbirlar rejalarini tayyorlash.

- Mehnatni muhofaza qilish bo'yicha buyruqlar loyihalarini ishlab chiqish.

Talablar:

- ish stajiga talab qo‘yilmagan holda mehnat muhofazasi va xavfsizlik texnikasi bo‘yicha oliy ma’lumotga ega shaxs yoki 1 yil ish stajiga ega bo‘lgan oliy texnik ma’lumotga ega shaxs;

- mehnatni muhofaza qilish bo'yicha qonunchilik, me'yoriy hujjatlarni bilish;

- korxonada mehnatni muhofaza qilish bo'yicha ishlarni tezkor va uslubiy boshqarish ko'nikmalariga ega bo’lishi;

- o‘zbek va rus tillarini bilish.

Ish sharoitlari:

- Mehnat kodeksi bo‘yicha bandlik, to‘liq ijtimoiy paket, (taʼtil, kasallik taʼtillari);

- Ish haqqi darajasi “NKMK” AJ tarif setkasiga muvofiq.

Tanlovda ishtirok etish uchun nomzodlarning rezyumesi (ma’lumotnoma) to‘liq to‘ldirilgan va telefon raqamlari aniq ko‘rsatilgan holda elektron shaklda fe.urokov@ngmk.uz elektron pochtasiga yuborilishi lozim. 

Tanlovda ishtirok etish uchun nomzodlarning rezyumesini qabul qilish muddati 2023-yil 6-sentabrdan 19-sentabrgacha.

Ma’lumot uchun telefon: 99879-227-77-47