• Yaratildi: 25.08.2023
• Yangilandi: 25.08.2023
• O'qildi: 3523

Transformatsiya dasturini muvofiqlashtirish muhokama etildi

24-avgust kuni “NKMK” AJ boshqarmasida kombinat mutaxassislari va Boston Consulting Group (BCG) (AQSH) xalqaro kompaniyasi vakillarining transformatsiya dasturini muvofiqlashtirishga bag‘ishlangan uchrashuvi bo‘lib o‘tdi.

Uchrashuvda taʼkidlanganidek, kombinatda transformatsiyaning maqsadlari va ustuvor yo‘nalishlarini belgilaydigan “NKMK” AJning transformatsiya dasturi amalga oshirilmoqda. Ushbu dastur xom-ashyo bazasini rivojlantirish, asosiy ishlab chiqarish va yordamchi jarayonlarning operatsion samaradorligini oshirish, raqamlashtirishni keng joriy qilish, investitsion jarayonlarni rivojlantirish va loyihaviy qarorlarni maqbullashtirish, tashkiliy tadbirlarni rivojlantirish, ESG (E – ekologiya, S – ijtimoiy soha, G – boshqaruv) va sanoat xavfsizligini taʼminlash kabi yo‘nalishlardan iborat.

Uchrashuv yakunlari bo‘yicha tomonlar har bir yo‘nalish bo‘yicha ishchi guruhlar tashkil etish va kelgusida maslahatlashuvlar o‘tkazishga kelishib oldilar.

“NKMK” AJ Matbuot xizmati.