• Yaratildi: 12.07.2023
• Yangilandi: 12.07.2023
• O'qildi: 3833

Xalqaro kompaniya vakillari bilan uchrashuv bo‘lib o‘tdi

Yaqinda “NKMK” AJ boshqarmasida kombinat rahbariyati va Boston Consulting Group (BCG) (AQSh) xalqaro kompaniyasi vakillari uchrashuvi bo‘lib o‘tdi.

Mazkur uchrashuvda Navoiy kon-metallurgiya kombinatining yirik bo‘linmalaridan biri – Shimoliy kon boshqarmasi faoliyatining samaradorligini oshirish bo‘yicha chora-tadbirlar dasturini amalga oshirish ishlari boshlanganligi muhokama etildi. Shuningdek, xalqaro kompaniya vakillari tomonidan yuqorida qayd etilgan vazifani bajarishning yondashuvi haqida maʼlumot berildi hamda yirik konchilik sanoati korxonalarida bunday ishlarni amalga oshirishda erishilgan iqtisodiy samaradorlik misollari keltirildi.

Maʼlumot uchun, BCG jahon hamda MDH miqyosida konchilik va  metallurgiya tarmog‘ida axborot texnologiyalar strategiyasini ishlab chiqish, raqamli transformatsiya va kompaniyalar faoliyatining samaradorligini oshirish bo‘yicha loyihalarni amalga oshirishda katta tajribaga ega.

“NKMK” AJ Matbuot xizmati.