• Yaratildi: 30.05.2023
• Yangilandi: 30.05.2023
• O'qildi: 1781

Prezident maktabi o‘quvchilari bilan uchrashuv o‘tkazildi

30-may kuni Navoiy shahridagi Prezident maktabida “Navoiy kon-metallurgiya kombinati” aksiyadorlik jamiyati vakillarining o‘quvchi yoshlar bilan uchrashuvi o‘tkazildi.

Uchrashuvda “NKMK” AJ Jamoatchilik bilan aloqalar bo‘yicha direktor Xolmamat Raupov, “Konchilar hayoti” gazetasi muharriri Nizomiddin Sadriddinov hamda maktab o‘qituvchi va o‘quvchilari ishtirok etdilar.

Tadbirda so‘zga chiqqanlar konchilik sanoatining mamlakatimiz iqtisodiyotida tutgan o‘rni, sohada amalga oshirilayotgan islohotlar, jumladan, kombinatda innovatsion texnologiyalarni keng joriy etish,  ishlab chiqarishni raqamlashtirish, atrof-muhitni muhofaza qilish borasida olib borilayotgan ishlar, erishilayotgan natijalar haqida atroflicha maʼlumot berdilar.

Uchrashuvda kombinat vakillari maktab o‘quvchilarining korxona faoliyati haqidagi savollariga atroflicha javob berdilar.

“NKMK” AJ Matbuot xizmati.