• Yaratildi: 30.05.2023
• Yangilandi: 30.05.2023
• O'qildi: 3469

Buyuk Britaniya kompaniyalari vakillari kombinatga tashrif buyurdi

29-30-may kunlari Buyuk Britaniyaning O‘zbekistondagi elchisi Timoti Torlou boshchiligidagi xorijiy kompaniyalar vakillaridan iborat delegatsiya Navoiy kon-metallurgiya kombinatiga tashrif buyurdi.

“NKMK” AJ boshqarmasida kombinat rahbariyati va xorijiy delegatsiya vakillari o‘rtasida uchrashuv o‘tkazildi. Uchrashuvda Buyuk Britaniyaning kompaniyalari va kombinat o‘rtasida ikki tomonlama hamkorlikni yo‘lga qo‘yish masalari va istiqbolli rejalar muhokama etildi. Muloqot davomida kombinat vakillari korxona faoliyati, transformatsiya va ishlab chiqarishni raqamlashtirish bo‘yicha amalga oshirilayotgan loyihalar haqida so‘zlab berdi.   

Shuningdek, Navoiy kon-metallurgiya kombinatidagi ishlab chiqarish jarayonlari bilan yaqindan tanishish maqsadida xorijiy delegatsiya dunyodagi eng yirik oltin konlaridan biri bo‘lgan “Muruntov” konida bo‘ldi.

“NKMK” AJ Matbuot xizmati.