• Yaratildi: 15.05.2023
• Yangilandi: 15.05.2023
• O'qildi: 3466

Bo‘linmalarda ishchi-xodimlar marafonda bellashdi

Navoiy kon-metallurgiya kombinati ishchi-xodimlari nafaqat ishda, balki sportda ham faoldirlar.

13-may kuni Uchquduq shahrida “NKMK” AJ Shimoliy kon boshqarmasi bo‘linmalarida mehnat qilayotgan ishchi-xodimlar o‘rtasida O‘zbekiston Respublikasi konchilik va metallurgiya sanoati xodimlari kuniga bag‘ishlagan marafon o‘tkazildi. Mazkur marafonda erkaklar 4 kilometr va ayollar 2 kilometr masofaga yugurishda bellashdilar. 

Shuningdek, shu kuni Qo‘shrabot tumanidagi Zarkent qo‘rg‘onida Janubiy kon boshqarmasi bo‘linmalarida mehnat qilayotgan ishchi-xodimlar hamda “NKMK jamg‘armasi" DM “Nurobod” hududiy boshqarmasi vakillari o‘rtasida "O‘zingga ishon" shiori ostida kasb bayramiga bag‘ishlagan marafon o‘tkazildi. Marafon ishtirokchilari 3 kilometr masofaga yugurishda bellashdilar. 

G‘oliblarga NKMK xodimlari kasaba uyushmasi Kengashi tomonidan qimmatbaho sovg‘alar topshirildi.

 “NKMK” AJ Matbuot xizmati.