• Yaratildi: 28.04.2023
• Yangilandi: 28.04.2023
• O'qildi: 1943

Mehnatni muhofaza qilish – ustuvor vazifa

Bugun Navoiy shahridagi “Farhod” madaniyat saroyida 28 aprel – Butunjahon mehnatni muhofaza qilish kuniga bag‘ishlangan tadbir o‘tkazildi.

Mazkur tadbirda “Navoiy kon-metallurgiya kombinati” aksiyadorlik jamiyati rahbariyati, NKMK xodimlari kasaba uyushmasi Kengashi vakillari, kombinat bo‘linmalarining mehnat muhofazasi va xavfsizlik texnikasi bo‘yicha masʼul xodimlar ishtirok etdilar.

Tadbirda so‘zga chiqqanlar tomonidan kombinatda inson hayoti, sog‘ligi bilan bog‘liq bo‘lgan mehnat muhofazasi va xavfsizlik texnikasini taʼminlash muhim ahamiyat kasb etishi alohida taʼkidlandi.  

Tadbirda Navoiy kon-metallurgiya kombinatida har bir ishchi-hodim uchun xavfsiz mehnat sharoitlarini taʼminlash, ular tomonidan ishda qatʼiy intizom, mehnat muhofazasi va xavfsizlik texnikasi talablariga qatʼiy rioya qilish, xavfsizlik madaniyati va rahbarlar masʼuliyatini oshirish, tizimdagi ishlarni takomillashtirish, mehnat intizomini mustahkamlash, ishlab chiqarishda sodir bo‘lishi mumkin bo‘lgan jarohatlanishlarning oldini olish kabi dolzarb masalalar muhokama qilindi.

Shuningdek, kasaba uyushmalari bilan birgalikda mehnat muhofazasi va xavfsizlik texnikasi bo‘yicha vazifalar belgilandi.

 “NKMK” AJ Matbuot xizmati.