• Yaratildi: 13.04.2023
• Yangilandi: 13.04.2023
• O'qildi: 3658

Xodimlarning huquqiy savodxonligi oshirilmoqda

12-aprel kuni Shimoliy kon boshqarmasi bo‘linmalarida “NKMK” AJ Komplayens xizmati vakillari, ishchi-xodimlar ishtirokida “Biz korrupsiyaga qarshimiz” mavzusida davra suhbatlari tashkil etildi.

Tadbirlarda taʼkidlaganidek, kombinat tizimida korrupsiyaga qarshi kurashish bo‘yicha olib borilayotgan ishlarda uning oldini olish va profilaktika qilishga alohida eʼtibor qaratilmoqda.

Davra suhbatlarida kombinat xodimlariga korrupsiyaga qarshi kurashish bo‘yicha qabul qilingan normativ-huquqiy hujjatlar, shu jumladan “NKMK” AJ xodimlarining Odob-axloq kodeksining mazmun-mohiyati tushuntirildi. Shu jumladan, korrupsiyaga qarshi kurashish sohasida olib borilgan o‘zgarishlar, huquqbuzarlikka qarshi kurash, qonunchilikdagi so‘ngi yangiliklar, Odob-ahloq kodeksining asosiy tamoyillari va qoidalari, yoshlar va ishchi-xodimlar oldida turgan vazifalar to‘g‘risida aytib o‘tildi.

Bunday tadbirlardan ko‘zlangan asosiy maqsad korrupsiyaga qarshi kurashish yo‘nalishida kombinat xodimlarining huquqiy savodxonligi va bilimlarini oshirishdan iboratdir.

“NKMK” AJ Matbuot xizmati.