• Yaratildi: 14.03.2023
• Yangilandi: 14.03.2023
• O'qildi: 2050

Inson resurslari jarayonlari takomillashtirilmoqda

Bugungi kunda “Navoiy kon-metallurgiya kombinati” aksiyadorlik jamiyatida Inson resurslari jarayonlarini optimallashtirish va avtomatlashtirish bo‘yicha loyihalar amalga oshirilmoqda.

Yaqinda “NKMK” AJning Zarafshon shahridagi O‘quv markazida xodimlar bilan ishlash jarayonlarni raqamli transformatsiya qilish loyihasi doirasida ishchi guruh uchrashuvi bo‘lib o‘tdi.

Mazkur uchrashuv fasilitatsiya (guruh maqsadlarini aniqlashtirish va amalga oshirishga qaratilgan guruh ishi jarayonini professional tashkil etish) formatida, yechimlar izlash va qarorlar qabul qilishga mutaxassislarni jalb qilgan holda o‘tkazildi. Ishchi guruh ekspertlari tarkibiga kombinatning har bir kon boshqarmasidan kadrlar bo‘limi vakillari kiritildi.

Uchrashuvda barcha ishtirokchilar nafaqat mavzular bo‘yicha o‘z g‘oyalarini taqdim etish, balki o‘zaro tajriba almashish, takliflar berish va muhokamalar o‘tkazish imkoniyatiga ega bo‘ldilar. Aynan shu g‘oyalar o‘rganilib, kadrlar bilan ishlash jarayonlaridagi o‘zgarishlar uchun asos bo‘ladi.

“NKMK” AJ Matbuot markazi.