• Yaratildi: 13.03.2023
• Yangilandi: 13.03.2023
• O'qildi: 5065

“Eng yaxshi ratsionalizatorlik taklifi” tanlovi g‘oliblari taqdirlandi

13-mart kuni Navoiy shahridagi “NKMK tarixi” muzeyida “Navoiy kon-metallurgiya kombinati” aksiyadorlik jamiyati yosh ishchi-xodimlari o‘rtasida 2022-yilda o‘tkazilgan “Eng yaxshi ratsionalizatorlik taklifi” tanlovi g‘oliblarini taqdirlash tadbiri o‘tkazildi.

Tadbirda “NKMK” AJ bosh direktorining xodimlar va maʼmuriy masalalar bo‘yicha o‘rinbosari, boshqaruv aʼzosi Q.Taparov, NKMK xodimlari kasaba uyushmalari Kengashi raisi I.Rahmatov, Yangi texnologiyalarni joriy etish bo‘yicha innovatsion markaz boshlig‘i Q.G‘ofurovlar so‘zga chiqib, tanlov g‘oliblarini samimiy tabrikladilar hamda kombinat tomonidan mazkur yo‘nalishda olib borilayotgan ishlar va kelajakdagi rejalar haqida o‘zlarining fikr-mulohazalarini bildirdilar.

“Eng yaxshi ratsionalizatorlik taklifi” tanlovi komissiyasiga 113 nafar ishtirokchidan 146 ta ratsionalizatorlik takliflari kelib tushdi. Tanlov komissiyasi tomonidan ular orasidan 8 ta yo‘nalish bo‘yicha eng munosib topilgan g‘oliblar aniqlandi.

Jumladan, quyidagilar eng yaxshi ratsionalizatorlik takliflari sohiblari, deb topildi:

- “Geologiya” yo‘nalishi bo‘yicha Markaziy kon boshqarmasi “Muruntov” koni Gamma-aktivlashtirilgan tahlil markaziy laboratoriyasi boshlig‘i Alisher Qo‘ldoshov;

- “Konchilik” yo‘nalishi bo‘yicha Janubiy kon boshqarmasi bosh muhandisi To‘lqin Nizomov va bosh geologi Alisher Gizzatov, “1-GMZ” kon boshqarmasi “Aristantov” koni konchilik ishlari bo‘yicha yetakchi muhandisi Azim Nazarov;

- “Oltin ajratib olish texnologiyasi” yo‘nalishi bo‘yicha “1-GMZ” kon boshqarmasi Texnologik bo‘limi yetakchi muhandisi Shuhrat Qodirov;

- “Mexanika” yo‘nalishi bo‘yicha Markaziy kon boshqarmasi 2-gidrometallurgiya zavodi bosh mexnik o‘rinbosari Latifjon Hakimov;

- “Energetika” yo‘nalishi bo‘yicha Janubiy kon boshqarmasi bosh muhandisi To‘lqin Nizomov va bosh energetik o‘rinbosari Sherzod Israilov, Markaziy kon boshqarmasi Tashqi suv taʼminoti birlashgan enegriya xizmati Tashqi suv taʼminoti sexi texnologi Otabek Hamrayev;

- “Transport” yo‘nalishi bo‘yicha Markaziy kon boshqarmasi Avtomobil transporti boshqarmasi muhandisi Hikmatullo Hojiqurbonov;

- “Ishlab chiqarishni avtomatlashtirish” yo‘nalishi bo‘yicha “1-GMZ” kon boshqarmasi “Pistali” koni 6-GMZ bosh asbobsozi Sherbek Musayev va Janubiy kon boshqarmasi 4-GMZ Nazorat o‘lchov asboblari va avtomatika uchastkasi boshlig‘i Jonibek Mansurov, muhandis-elektronigi Farhod Toshmatov, ustasi G‘ulom Rahmonov, elektromexanigi Jamshid Tilavov, muhandisi Dilshod Ibragimov;

- “Axborot-kommunikatsion texnologiyalar” yo‘nalishi bo‘yicha Shimoliy kon boshqarmasi Axborot-kommunikatsion texnologiyalar markazi muhandis-dasturchisi Azizjon Soliyev.

Tanlov g‘oliblari diplom va pul mukofotlari bilan taqdirlandi.

“NKMK” AJ Matbuot xizmati.