• Yaratildi: 02.03.2023
• Yangilandi: 02.03.2023
• O'qildi: 2922

Korxona faoliyatida mahalliylashtirish dasturi muhim o‘rin tutadi

Markaziy taʼmirlash-mexanika sexi “NKMK” AJ Markaziy kon boshqarmasining yetakchi korxonalaridan biri sanaladi.

O‘n oltita uchastka, yordamchi byuro va xizmatlardan tarkib topgan va 580 nafardan ortiq ishchi-xodim mehnat qilayotgan sexda texnologik uskunalarni taʼmirlash, ehtiyot qismlar va metall konstruksiyalarni tayyorlash, taʼmirlash-montaj ishlari olib borilayapti. 2022-yilda 161 mlrd so‘mlik mahsulot ishlab chiqarilgani sexning faoliyat ko‘lami qanchalik keng ekanligidan darak beradi.

Sex faoliyatida mahalliylashtirish dasturi muhim o‘rin tutadi. Yangi mahsulotlar turlarini o‘zlashtirish hisobiga korxona quvvati yildan-yilga oshib borayapti. Hozir bu yerda 2,2 ming turdan ortiq mahalliylashtirilgan, 10 ming turdan ziyod import o‘rnini bosuvchi mahsulotlar ishlab chiqarilayotgani bunga yaqqol misoldir. Joriy yilda sex jamoasi mahsulot ishlab chiqarish hajmini 185 mlrd so‘mga yetkazishni rejalashtirgan.

Bunday samaradorlik birgina sex misolida kombinatda ish to‘g‘ri tashkil etilgani, jamoa rivojlanish yo‘lidan borayotganining amaldagi namunasidir.

“NKMK” AJ Matbuot xizmati.