• Yaratildi: 27.02.2023
• Yangilandi: 27.02.2023
• O'qildi: 4389

Navoiy mashinasozlik zavodining namunali uchastkasi

Bu yil Navoiy mashinasozlik zavodi tashkil topganiga 60 yil to‘ladi. Hozirda zavodning har bir sexida bu sanani mehnat yutuqlari bilan kutib olish yo‘lida ishlar qizg‘in bormoqda. Xususan, Galvanika bo‘linmasi korxonaning namunali bo‘linmalaridan biri hisoblanadi.  

 

Tashkil topganiga yarim asrdan ziyod vaqt bo‘lgan ushbu kichik bo‘linmaning 8 nafar ishchi-xodimi detallarga kimyoviy ishlov berish orqali ularning qattiqligi, zanglash va yemirilishga qarshi chidamliligini oshirish ishlarini bajarib kelmoqda.

Yangidan xarid qilingan, shuningdek, turli ishlab chiqarish korxonalarida maʼlum muddat ishlatilgan detallar, ehtiyot qismlariga kimyoviy ishlov berish, sayqallash, sirtini xrom, ruh, nikel, mis, temir bilan qoplash yo‘li orqali ularning “umri uzaytirilmoqda”. Boshqacha aytganda, detallarning chidamliligi va ishlash muddatini oshirishga erishilmoqda.

Jamoa o‘rtasida mehnat muhofazasi va xavfsizlik texnikasiga rioya etish, bu borada xodimlar bilim va ko‘nikmalarini oshirib borish ishlari ham namunali tashkil etilganini alohida taʼkidlash joiz.

“NKMK” AJ Matbuot xizmati.