• Yaratildi: 16.02.2023
• Yangilandi: 16.02.2023
• O'qildi: 3872

Moskva davlat universiteti vakillari kombinatga tashrif buyurdi

14-16-fevral kunlari M.Lomonosov nomidagi Moskva davlat universiteti hamda O‘zbekiston Respublikasi Iqtisodiyot va moliya vazirligi vakillaridan iborat delegatsiya “Navoiy kon-metallurgiya kombinati” aksiyadorlik jamiyatiga tashrif buyurdi.

Birinchi kunda “NKMK” AJ boshqarmasida delegatsiya aʼzolari kombinat rahbariyati va yetakchi mutaxassislari bilan uchrashdi. Uchrashuvda kombinat mutaxassislari korxona faoliyati, amalga oshirilayotgan loyihalar haqida taqdimot o‘tkazdilar. 

Ikkinchi kunda NKMKda amalga oshirilayotgan ishlab chiqarish jarayonlari bilan yaqindan tanishish maqsadida delegatsiya vakillari “Muruntov” koni, 2-gidrometallurgiya zavodida bo‘ldilar.

Uchinchi kunda kombinat boshqarmasida iqtisodiyot fanlari doktori Vladimir Kvint boshchiligidagi delegatsiya “NKMK” AJ Boshqaruv raisi – Bosh direktori Quvondiq Sanaqulov bilan uchrashdi. Uchrashuvda ikki tomonlama hamkorlikni yo‘lga qo‘yish yuzasidan fikr almashildi.

“NKMK” AJ Matbuot xizmati.