• Yaratildi: 10.02.2023
• Yangilandi: 15.02.2023
• O'qildi: 4517

Korrupsiyaga qarshi kurashish – har birimizning vazifamiz

Shimoliy kon boshqarmasida «Korrupsiyaga qarshi kurashish – har birimizning vazifamiz» mavzusida uchrashuv bo‘lib o‘tdi.

Uchrashuvda “NKMK” AJ Transport bo‘yicha direktori R.Ergashov, “NKMK” AJ bosh buxgalteri J.Novikova, kon boshqarmasi rahbar va mutaxassislari ishtirok etdilar.

Tadbirda so‘zga chiqqanlar taʼkidlaganlaridek, kombinat tizimida korrupsiyaga qarshi kurashish bo‘yicha olib borilayotgan ishlarda uning oldini olish va profilaktika qilishga alohida eʼtibor qaratilmoqda. Bu boradagi ishlarni muvofiqlashtirish uchun korxonada Komplayens xizmati tashkil etildi. Shuningdek, uchrashuv ishtirokchilariga korxona rahbar va mutaxassislari endilikda iqtisodiy samaradorlik, mablag‘larning o‘rinli va maqsadli sarflanishi, bunda ochiqlik va shaffoflikni taʼminlash uchun shaxsan javobgar ekanligi tushuntirildi.  

Bunday uchrashuvdan ko‘zlangan asosiy maqsad korrupsiyaga qarshi kurashish yo‘nalishida kombinat xodimlarining huquqiy savodxonligi va bilimlarini oshirishdan iboratdir.

“NKMK” AJ Matbuot xizmati.