• Yaratildi: 01.02.2023
• Yangilandi: 01.02.2023
• O'qildi: 4943

Shimoliy kon boshqarmasi misolida kadlar tayyorlash bo‘yicha amaliy ishlar

“Navoiy kon-metallurgiya kombinati” aksiyadorlik jamiyatida kadrlarni tayyorlash, o‘qitish, qayta tayyorlash va malakasini oshirish borasida keng qo‘lamli ishlar amalga oshirilmoqda.

Bugungi kunda kombinatning 5 ta o‘quv markazi mavjud bo‘lib, ulardan bittasi Uchquduq shahrida joylashgan. Ushbu o‘quv markazda Shimoliy kon boshqarmasi bo‘linmalarida ishlaydigan ishchi-xodimlarni kasbga o‘qitish, qayta tayyorlash va malakasini oshirish bo‘yicha tizimli ishlar olib borilmoqda.   

Jumladan, 2022-yilda mazkur o‘quv markazda 2 698 nafar ishchi-xodimlar o‘qitildi, qayta tayyorlandi, malakasini oshirdi. Shundan 250 nafardan ortig‘i ekskavator mashinisti, og‘ir yuk ko‘taruvchi avtosamosval haydovchisi, burg‘ilash qurilmasi mashinisti, kran mashinisti kabi kasblar bo‘yicha o‘qitildi.

Aholini kasb-hunarga o‘qitishning yangi tizimini tashkil etish, o‘rta bo‘g‘in mutaxassislarini tayyorlash maqsadida “NKMK” AJ ko‘magida Navoiy shahrida faoliyati yo‘lga qo‘yilgan monomarkaz tinglovchilari Shimoliy kon boshqarmasi bo‘linmalarida amaliyot o‘tamoqda. Natijada o‘tgan yilda monomarkazda o‘qib, maxsus sertifikat olgan 186 nafar fuqaro kon boshqarmasi bo‘linmalariga ishga qabul qilindi.

Navoiy kon-metallurgiya kombinatida muhandis kadrlar tayyorlash, shu jumladan, kadrlarni o‘qitish va qayta tayyorlash borasida olib borilayotgan ishlar ishchi-xodimlar – korxonaning asosiy boyligi ekanligining isbotidir.  

  “NKMK” AJ Matbuot xizmati.