• Yaratildi: 17.11.2020
• Yangilandi: 02.12.2020
• O'qildi: 960

Sabohat Nazarova: “...xotiramda bir umrga muhrlanib qoladi”

Xabaringiz bor, joriy yilning 7-mart kuni mamlakatimiz poytaxtida O‘zbekiston Respublikasi Prezidenti Shavkat Mirziyoyev ishtirokida 8-mart – Xalqaro xotin-qizlar kuniga bag‘ishlangan tantanali marosim bo‘lib o‘tdi.

 

Ushbu bayram tadbirida viloyatimizdan 16 nafar faol xotin-qizlar qatnashishdi. Ular orasida Navoiy kon-metallurgiya kombinati xotin-qizlar qo‘mitasi raisi Sabohat Nazarova ham bor edi.

- Mamlakatimiz ilg‘or ayollari safida ushbu bayram tadbirida ishtirok etganimdan behad baxtiyorman. Davlatimiz rahbarining xotin-qizlarga yo‘llagan tabrigi, tadbir ishtirokchilariga alohida ehtirom va hurmat ko‘rsatilgani, ular qatorida Prezidentimiz imzosi bilan tabriknoma va qimmatbaho sovg‘alar olganim xotiramda bir umrga muhrlanib qoladi. Yurtimizda xotin-qizlarimiz yuksak qadr topayotganligiga yana bir karra amin bo‘ldim, - deydi S.Nazarova mamnuniyat bilan.

NKMK Matbuot markazi