• Yaratildi: 11.11.2020
• Yangilandi: 02.12.2020
• O'qildi: 936

NKMK ishchi-xodimlari jismoniy faollik tadbirlarida faol ishtirok etishmoqda

Navoiy kon-metallurgiya kombinati ishchi-xodimlarini jismoniy tarbiya va ommaviy sport bilan muntazam shug‘ullanish hamda sog‘lom turmush tarziga amal qilishga jalb etish maqsadida kombinat bo‘linmalarida ommaviy jismoniy faollik tadbirlari tashkil etilayapti.

 

Yaqinda shunday tadbirlar Zarafshon shahridagi “Qizilqum”, Uchquduq shahridagi “Lochin” o‘yingohlarida, Zafarobod qo‘rg‘onidagi “Yangi hayot” sog‘lomlashtirish markazida o‘tkazildi. Ertalabki badantarbiya mashg‘ulotlari va “Sog‘lom hayot uchun 5000 qadam” shiori ostida piyoda yurish marafonida Markaziy, Shimoliy, 5-kon boshqarmalarining ishchi-xodimlari faol ishtirok etishdi.

 

Mamlakatimizda ommaviy jismoniy faollik tadbirlarini jonlantirish, ularga keng aholi qatlamlarini jalb qilishda O‘zbekiston Respublikasi Prezidentining 2020 yil 30 oktyabrdagi “Sog‘lom turmush tarzini keng tatbiq etish va ommaviy sportni yanada rivojlantirish chora-tadbirlari to‘g‘risida”gi farmoni muhim ahamiyat kasb etayapti.

 

Endilikda kombinat bo‘linmalarida ommaviy jismoniy faollik tadbirlari har haftaning shanba kunlari ertalab o‘tkaziladi. Shuningdek, kombinat ishchi-xodimlari o‘rtasida sportning yurish, yugurish, mini-futbol, badminton, stritbol kabi turlari bo‘yicha musobaqalar ham tashkil etiladi.

NKMK Matbuot markazi.