• Yaratildi: 14.12.2022
• Yangilandi: 14.12.2022
• O'qildi: 3941

Inson resurslari transformatsiya jarayonida

Bugun “Navoiy kon-metallurgiya kombinati” aksiyadorlik jamiyatida inson resurslarini rivojlantirish va bu borada zamonaviy tizim yaratish, nomzodlarni saralash, joy-joyiga qo‘yishning shaffof, xodimlar ish samaradorligini baholashning ochiq mexanizmini yaratish bo‘yicha keng ko‘lamli ishlar olib borilmoqda.

Kombinat boshqarmasi katta majlislar zalida “NKMK” AJ Bosh direktorning transformatsiya bo‘yicha birinchi o‘rinbosari Ye.Antonov raisligida o‘tgan anjumanda ushbu mavzu muhokama etildi.

Anjumanda joylardagi bo‘linmalar xodimlari, mehnatni tashkil etish va ish haqi bo‘limlari boshliqlari  va mutaxassislar ishtirok etishdi.

“NKMK” AJ Bosh direktorning xodimlar va maʼmuriy masalalar bo‘yicha o‘rinbosari Q.Taparov o‘z maʼruzasida inson resurslarini transformatsiyalash mohiyati xususida o‘z fikr-mulohazasini bildirdi.

“NKMK” AJ Inson resurslarini rivojlantirish bo‘limi boshlig‘i L.Usmanova va bo‘linmalar masʼul xodimlari kun tartibiga doir mavzu yuzasidan taqdimotlar bilan chiqish qilishdi.

Anjuman savol-javoblarga boy bo‘ldi.

“NKMK” AJ Matbuot xizmati.