• Yaratildi: 30.11.2022
• Yangilandi: 30.11.2022
• O'qildi: 4263

Londonda konchilik sanoatiga oid Yevropaning eng yirik tadbiri o‘tkazilmoqda

2022-yil 29-noyabr - 1-dekabr kunlari London shahrida konchilik sanoatiga investitsiyalar va kapitalni jalb qilish bo‘yicha "Mines and Money" nomli Yevropaning eng yirik tadbiri o‘tkazilmoqda.

Ushbu tadbirda dunyoning 75 dan ortiq davlatidan 150 dan ziyod konchilik va metallurgiya kompaniyalari vakillari, davlat nazorat organlari, investorlar, moliyachilar ishtirok etmoqda. Tadbir ishtirokchilari orasida O‘zbekistonning yetakchi sanoat korxonalari, jumladan, “Navoiy kon-metallurgiya kombinati” aksiyadorlik jamiyati vakillari ham bor. Xususan, "NKMK" AJ bosh direktorining transformatsiya bo‘yicha birinchi o‘rinbosari, boshqaruv a’zosi Yevgeniy Antonov mavzuga oid panel muhokamasida so‘zga chiqdi.

Tadbir doirasida barqaror rivojlanishning global maqsadlariga bag‘ishlangan “Resources Tomorrow” ko‘rgazmasi o‘tkazilmoqda. Ko‘rgazma ishtirokchilari - soha mutaxassislari yangi mahsulotlarni namoyish yetmoqda, amaliy yechimlarni izlamoqda va yangi g‘oyalar bilan tanishmoqda.

“NKMK” AJ matbuot xizmati.