O'zbekiston Respublikasi, Navoiy viloyati, Navoiy sh., Navoiy ko'chasi 27
Du - Ju: 08:00 - 17:00
Dam olish kunlari: shanba,yakshanba
 |
 |
 |
 |
 |
 |
 |
 |
 |
NKMK raqamli transformatsiyasining birinchi bosqichi amalga oshirilmoqda
- Yaratildi: 26.10.2022
- Yangilandi: 26.10.2022
- O'qildi: 3583
NKMK raqamli transformatsiyasining birinchi bosqichi amalga oshirilmoqda
25-oktabr kuni Navoiy shahrida “Navoiy kon-metallurgiya kombinati” aksiyadorlik jamiyatining raqamli transformatsiya strategiyasini ishlab chiqish doirasida Boston Consulting Group (BSG) (AQSh) xalqaro kompaniyasi vakillari, kombinatdagi konchilik va texnologiya bo‘yicha rahbar va mutaxassislari ishtirokida tadbir bo‘lib o‘tdi.
Tadbirda taʼkidlanganidek, “NKMK” AJning raqamli transformatsiyasi O‘zbekiston iqtisodiyoti tarmoqlarini keng ko‘lamli isloh qilish va modernizatsiya qilish ishlari doirasida amalga oshirilmoqda. Raqamli transformatsiya raqamli yechimlar yordamida ishlab chiqarish jarayonlarni optimallashtirish, shuningdek, kombinatni zamonaviy yuqori texnologik kompaniyaga aylantirish uchun asos yaratish orqali uning faoliyati samaradorligini oshirishga qaratilgan. Uch bosqichdan iborat NKMKning raqamli transformatsiya dasturi 2025-yilgacha mo‘ljallangan. Joriy yilda birinchi bosqich – raqamli transformatsiya strategiyasini ishlab chiqish bo‘yicha ishlar olib borilmoqda.
Tadbirning birinchi qismida BSG kompaniyasi vakillari tomonidan amaliy misollar asosida raqamli texnologiyalarni rivojlantirishning global tendensiyalari va yetakchi konchilik sanoati kompaniyalarining raqamlashtirish sohasidagi jahon tajribasi tahlili taqdim etdildi. Xususan, amaliy raqamli yechimlar raqamlashtirishning asosiy bo‘g‘ini ekanligi hamda biznesning raqamli transformatsiyasida eng katta investitsiyalar ushbu yechimlarga yo‘naltirilishi qayd etildi. Yetakchi konchilik sanoati kompaniyalarining jahon tajribasi shuni ko‘rsatadiki, qazib olish hajmini oshirish, faoliyati samaradorligini yuksaltirish va ESG standartlarini amalga oshirish uchun kombinatda raqamlashtirish muhim ahamiyatga ega.
Tadbirning ikkinchi qismida BSG kompaniyasi vakillari, kombinat rahbar va mutaxassislari tomonidan korxona faoliyatining konchilik va texnologik yo‘nalishlarining asosiy funksiyalarida raqamlashtirishning ustuvor yo‘nalishlariga doir dastlabki ro‘yxati shakllantirildi.
“NKMK” AJ Matbuot xizmati.
