• Yaratildi: 24.10.2022
• Yangilandi: 24.10.2022
• O'qildi: 2170

Shimoliy kon boshqarmasi jamoasi - voleybol bo‘yicha "NKMK kubogi" turniri g'olibi

22-23-oktabr kunlari Navoiy shahridagi "So'g'diyona" sport saroyida "Navoiy kon-metallurgiya kombinati" AJ va “Navoiyuran” DK bo'linmalari yoshlar jamoalari o‘rtasida sportning voleybol turi bo‘yicha "NKMK kubogi" turnirining final o'yinlari o'tkazildi.

Turnirning saralash bosqichida g'olib bo'lgan 8 ta jamoa ishtirok etdi. Saralash bosqichida "NKMK" AJning Zarafshon, Uchquduq, Zarmitan, Navoiy hududlarida joylashgan bo'linmalari hamda "Navoiyuran" DKning Zafarabod hududidagi bo'linmalarda faoliyat yurituvchi yoshlardan iborat jamoalar ishtirok etgan edi.

Yakuniy natijalarga ko‘ra, Shimoliy kon boshqarmasi jamoasi g‘oliblikni qo‘lga kiritdi. Janubiy kon boshqarmasi jamoasi 2-oʻrinni va "Navoiyuran" DK jamoasi 3-oʻrinni egallashdi. 

“NKMK” AJ matbuot xizmati.