• Yaratildi: 30.09.2022
• Yangilandi: 30.09.2022
• O'qildi: 718

Kasbim, oilam – mening faxrim!

O‘qituvchi va murabbiylar kuni arafasida 3-gidrometallurgiya zavodida “NKMK” AJ Ayollar kengashi hamda “NKMK jamg‘armasi” DM Oila va xotin-qizlar Kengashi bilan hamkorligida maʼnaviy-maʼrifiy tadbir bo‘lib o‘tdi.

Tadbirda viloyat ayollarni reabilitatsiya qilish va moslashtirishmarkazi direktori N.Ermamatova, Uchquduq tuman hokimi o‘rinbosari N.Najmiddinova, A.Navoiy jomeʼ-masjidi maʼnaviy-maʼrifiy ishlar bo‘yicha mutaxassisi S.Arziqulova, “NKMK jamg‘armasi” DM bo‘limi boshlig‘i N.Hamidovalar o‘z maʼruzalari bilan ishtirok etdi.

So‘zga chiqqanlar oilaning muqaddasligi, er-xotin burch va majburiyatlari,  ayollarning oila va jamiyatdagi o‘rni, muomala madaniyati, qaynona va qaynotaga o‘rtasidagi, oilalardagi ajrimlar oldini olish borasida mulohazalarini bildirdi.

Shuningdek, tadbirda fidokorona mehnati bilan shaxsiy namuna va o‘rnak bo‘lib kelayotgan “Mehnat shuhrati” ordeni sovrindori B.Tursunova faoliyati haqida so‘z yuritildi.

Tadbir so‘nggida bo‘linmalarida fidokorona mehnat qilib kelayotgan, jamiyat va oilada o‘zining munosib o‘rniga ega, namunali oila bekalari, jamoatchilik ishlarida ham faol bir guruh xotin-qizlar tashakkurnoma va esdalik sovg‘alari bilan taqdirlandilar.

“Uchquduq” madaniyat uyi badiiy jamoalari tomonidan ijro etilgan kuy va qo‘shiqlar barchaga ko‘tarinki kayfiyat bag‘ishladi.

Sabohat NAZAROVA,

"NKMK" AJ Ayollar kengashi raisi.