• Yaratildi: 23.08.2022
• Yangilandi: 23.08.2022
• O'qildi: 3043

Toshkentda “Tog‘-kon va metallurgiya tarmog‘idagi innovatsiyalar” haftaligi o‘tkazilmoqda  

Joriy yilning 22-26-kunlari O‘zbekiston Respublikasi Innovatsion rivojlanish vazirligida “Tog‘-kon va metallurgiya tarmog‘idagi innovatsiyalar” haftaligi o‘tkazilmoqda.  

Mazkur xaftalikda mamlakatimiz konchilik va metallurgiya tarmog‘ida faoliyat yuritayotgan “Navoiy kon-metallurgiya kombinati”, “Olmaliq kon-metallurgiya kombinati”, “O‘zmetkombinat” aksiyadorlik jamiyatlari kabi yirik korxonalar, ilmiy-tadqiqot muassasalari vakillari o‘z innovatsion g‘oya va ishlanmalari, innovatsion mahsulotlari bilan qatnashmoqda.

Тадбир ochilishida “NKMK” AJ bosh muhandisi, boshqaruv aʼzosi A.Ravshanov, “NKMK” AJ Yangi texnologiyalarni joriy etish markazi rahbari Q.G‘afurovlar ishtirok etishdi. Tadbirda taʼkidlanganidek, bugungi kunda geologiya, konchilik, metallurgiya tarmog‘i mamlakatimiz yalpi ichki mahsulotining shakllanishida 10 foizni tashkil etadi. Ushbu tarmoqlarni yana-da rivojlantirish uchun qazilma boyliklarni qidirish, maʼdanlarni qazib olish, qayta ishlash, tayyor mahsulot darajasiga keltirishdagi texnologik jarayonlarga yangi zamonaviy innovatsion va samarador bo‘lgan texnologiyalarni joriy etish zarurdir.

Xaftalik doirasida tashkil etilgan ko‘rgazmada sanoat korxonalari tomonidan yangi o‘zlashtirilgan innovatsion mahsulotlar hamda ilmiy-tadqiqot institutlarning olimlari tomonidan ishlab chiqilgan konchilik va metallurgiya sohasida qo‘llanilishi mo‘ljallangan ilmiy ishlanmalar namoyish etildi.

“NKMK” AJ Matbuot xizmati.