• Yaratildi: 18.08.2022
• Yangilandi: 18.08.2022
• O'qildi: 3461

NKMK mustaqillik yillarida. 3-gidrometallurgiya zavodi

✅ 3-gidrometallurgiya zavodi – mamlakatimiz mustaqilligining dastlabki yillarida foydalanishga topshirilgan konchilik va metallurgiya tarmog'idagi birinchi yirik sanoat korxonasidir.

✅ 3-GMZ 1995-yil 14-iyunda ishga tushirilgan. Bugungi kunda zavodda qariyb 1,9 ming nafar ishchi-xodimlar mehnat qiladi, korxonada yiliga 8 mln tonnadan ortiq “Kokpatas” va “Dovgiztov” konlaridan qazib olingan oltin tarkibli maʼdan qayta ishlanadi.

✅ 2017-yilda NKMK mutaxassislari murakkab tarkibli, qayta ishlash qiyin bo‘lgan maʼdanlardan oltin ajratib olishning yangi texnologiyasini yaratganliklari uchun Birlashgan Millatlar Tashkiloti Butunjahon intellektual mulk tashkilotining oltin medaliga sazovor bo‘lishdi.

✅ 2019-yilda zavodda chiqindilarini qayta ishlashga mo‘ljallangan filtrlash, quritish va quydirish bo‘yicha yangi yuqori texnologiyalarga asoslangan majmua ishga tushirildi. Yangi texnologik jarayonni amalga oshiradigan jihoz va uskunalar uchun kombinat va “Engineering Dobersek GmbH” kompaniyasi mutaxassislari birgalikda Germaniya davlatining xalqaro patentini qo‘lga kiritdi. 

“NKMK” AJ Matbuot xizmati.