• Yaratildi: 05.08.2022
• Yangilandi: 05.08.2022
• O'qildi: 3367

“NKMK” AJ Toshkent viloyati hududiy tarmoqlararo sanoat yarmarkasida qatnashmoqda

Joriy yilning 4-5-avgust kunlari Chirchiq shahrida Toshkent viloyati hududiy tarmoqlararo sanoat yarmarkasi o‘tkazilmoqda.

Mazkur tadbirda mamlakatimizning yirik sanoat korxonalari, metallurgiya, kimyo sanoati, elektroenergiya, elektrotexnika, qurilish materiallari, ishlab chiqarish va qishloq xo‘jaligi texnikasi hamda maxsus texnikalar uchun zarur bo‘lgan import o‘rnini bosuvchi mahsulotlar ishlab chiqarishga ixtisoslashgan mahalliy ishlab chiqarish korxonalari qatnashmoqda. Yarmarkada “Navoiy kon-metallurgiya kombinati” aksiyadorlik jamiyati ham ishtirok etmoqda. 

Yarmarkada “NKMK” AJning ishlab chiqarish ehtiyojlari uchun zarur bo‘ladigan import mahsulotlarni mahalliy ishlab chiqaruvchilarda o‘zlashtirish, mahalliylashtirish hamda tadbirkorlik subyektlari bilan kooperatsiya aloqalarini kengaytirish mo‘ljallanmoqda.

Taʼkidlash joizki, O‘zbekiston Respublikasi Prezidentining 2022-yil 24-yanvardagi “Respublikada ishlab chiqarishni rivojlantirish va sanoat kooperatsiyasini kengaytirishning samarali tizimini yaratish chora-tadbirlari to‘g‘risida”gi qaroriga muvofiq, 2022-yilda import o‘rnini bosuvchi mahsulotlar ishlab chiqarishni kengaytirish maqsadida kombinat tomonidan jami 157 ta loyiha bo‘yicha 514,8 mlrd so‘mlik, shu jumladan 104 ta yangi va kengaytirilgan loyihalar bo‘yicha 344,1 mlrd so‘mlik mahalliylashtiriladigan mahsulot ishlab chiqarish ko‘zda tutilgan.

“NKMK” AJ Matbuot xizmati.