• Yaratildi: 04.10.2023
• Yangilandi: 10.10.2024
• O'qildi: 91351

Hisobotlarni keng jamoatchilik ishtirokida muhokama qilish holati

2024-YIL

 

“NAVOIY KON-METALLURGIYA KOMBINATI”
AKSIYADORLIK JAMIYATI AKSIYADORLARINING YILLIK
UMUMIY YIG‘ILISHI O‘TKAZILISHI TO‘G‘RISIDAGI

AXBOROT

“NKMK” AJ Kuzatuv kengashi jamiyat aksiyadorlarining yillik umumiy yig‘ilishi 2024-yil 28-iyun kuni, soat 14:00 da Navoiy shahar, Navoiy ko‘chasi, 27-uy manzil bo‘yicha (“NKMK” AJ bosh ofisi binosidagi majlislar zalida) o‘tkazilishi haqida maʼlum qiladi.

Umumiy yig‘ilish kun tartibi:

1. “NKMK” АJ aksiyadorlarining yillik umumiy yig‘ilishi raisi va kotibini saylash.
2. Аksiyadorlarning yillik umumiy yig‘ilishi reglamenti, sanoq komissiyasining soni va shaxsiy tarkibini tasdiqlash.
3. Kuzatuv kengashining 2023-yil yakunlari bo‘yicha hisobotini eshitish.
4. 2023-yil moliya-xoʼjalik faoliyatini tekshirish natijalari yuzasidan auditorlik xulosasini eshitish.
5. 2023-yil uchun yillik moliyaviy hisobotini ko‘rib chiqish va emitentning 2023-yil yakunlari bo‘yicha yillik hisobotini tasdiqlash.
6. 2023-yil yakuni bo‘yicha olingan sof foydasini taqsimlash, dividend miqdori, uni to‘lash shakli va tartibini belgilash.
7. Kuzatuv kengashining yangi tarkibini saylash.
8. Ustavning yangi tahririni tasdiqlash.
9. Tashkiliy tuzilmaning yangi tahririni tasdiqlash.
10. Boshqaruv raisi – Bosh direktor bilan tuzilgan mehnat shartnomasining amal qilish muddatini uzaytirish.
11. Boshqaruv raisi – Bosh direktor va Boshqaruvning qolgan aʼzolariga toʼlanadigan haq va ularning eng yuqori miqdorlarini belgilash.
12. O‘zbekiston Respublikasi 2024-yil 19-apreldagi PQ-163-son qaroriga asosan “NKMK” АJning 5 (besh) foizgacha bo‘lgan aksiyalarini Xalqaro fond bozorida birlamchi (IPO) ommaviy taklifi oʼtkazgan holda joylashtirish yuzasidan ishlarni tashkil etish bo‘yicha qaror qabul qilish.
13. Korporativ qoidalar tavsiyalariga rioya etish majburiyatini olish to‘g‘risida qaror qabul qilish va korporativ hujjatlarini tasdiqlash.

Umumiy yig‘ilish o‘tkazish to‘g‘risida jamiyat aksiyadorlarini xabardor qilish uchun reyestrni shakllantirish sanasi: 2024-yil 7-iyun.

Umumiy yig‘ilishda ishtirok etish huquqiga ega bo‘lgan jamiyat aksiyadorlarining reyestrini shakllantirish sanasi: 2024-yil 24-iyun.

Аksiyadorlarning umumiy yig‘ilishni o‘tkazishga tayyorgarlik ko‘rilayotganda aksiyadorlarga taqdim etilishi lozim bo‘lgan axborot (materiallar) aksiyadorlarning elektron manziliga yuboriladi, shuningdek, aksiyadorlar o‘zlarini qiziqtirayotgan masalalar bilan o‘zlari uchun har qanday qulay vaqtda ish kunlari soat 9:00 dan 17:00 gacha tanishib chiqishlari mumkin.

Аksiyadorlarning umumiy yig‘ilishida ishtirok etish huquqi aksiyador tomonidan shaxsan yoki uning vakili orqali amalga oshiriladi. Аksiyadorlarni ro‘yxatga olish jarayoni “NKMK” AJ bosh ofisi binosidagi majlislar zalida (Navoiy sh, Navoiy ko‘chasi, 27-uy) 2024-yil 28-iyun kuni soat 13-30 da boshlanib, soat 14-00 gacha davom etadi. Аksiyadorlarda ularning shaxsini tasdiqlovchi hujjat bo‘lishi shart. Аksiyadorlarning vakillarida amaldagi qonunchilikka muvofiq tasdiqlangan ishonchnoma va ularning shaxsini tasdiqlovchi hujjat bo‘lishi lozim.

Аksiyadorlarning umumiy yig‘ilishida ovoz berish “Jamiyatning ovoz beruvchi bitta aksiyasi — bitta ovoz” prinsipi bo‘yicha kun tartibidagi masalalar bo‘yicha ovoz berish byulletenlari orqali amalga oshiriladi.

Murojaat uchun telefon:

+99879-227-77-50, +99893-521-77-50 (Korporativ munosabatlar bo‘limi)

Elektron manzil: info@ngmk.uz

 

 

 

2024-yil 27-mart kuni soat 14:00 da “NKMK” AJning matbuot anjumanlarini o‘tkazish zalida “Navoiy kon-metallurgiya kombinati” aksiyadorlik jamiyati faoliyatining 2023-yil yakunlari bo‘yicha ommaviy axborot vositalari vakillari va jurnalistlar uchun matbuot anjumani o‘tkaziladi.

Matbuot anjumanida kombinatning masʼul rahbar-xodimlari ishtirok etadi.

Ushbu matbuot anjumanida o‘zlaringizni qiziqtirgan savollarga javob olishingiz mumkin.

Sizlarni ushbu tadbirga taklif etgan holda, mavzuni OAVlar, sayt, ijtimoiy tarmoqlarda keng yoritishda hamkorlikka chorlaymiz!

Murojaat uchun telefon: +99879 227-74-73.

 

 

 

“NAVOIY KON-METALLURGIYA KOMBINATI” AKSIYADORLIK JAMIYATI

AKSIYADORLARINING NAVBATDAN TASHQARI

UMUMIY YIG‘ILISHI O‘TKAZILISHI TO‘G‘RISIDAGI

AXBOROT

“NKMK” AJ Kuzatuv kengashi jamiyat aksiyadorlarining navbatdan tashqari umumiy yig‘ilishi 2024-yil 7-mart kuni, soat 11:00 da Navoiy shahar, Navoiy ko‘chasi, 27-uy manzil bo‘yicha (“NKMK” AJ bosh ofisi binosidagi majlislar zalida) o‘tkazilishi haqida maʼlum qiladi.

Umumiy yig‘ilish kun tartibi:

1. “NKMK” AJ aksiyadorlari navbatdan tashqari umumiy yigʼilishi raisi va kotibini saylash.
2. “NKMK” AJ aksiyadorlari navbatdan tashqari umumiy yigʼilishining reglamenti, sanoq komissiyasining soni va shaxsiy tarkibini tasdiqlash.
3. “NKMK” AJning ustav kapitalini kamaytirish toʼgʼrisida.
4. “NKMK” АJning “Аksiyalar birlamchi chiqarilishi toʼgʼrisida”gi qaror matniga oʼzgartirishlar kiritish toʼgʼrisida.
5. “NKMK” АJ Ustavining yangi tahririni tasdiqlash.

Umumiy yig‘ilish o‘tkazish to‘g‘risida jamiyat aksiyadorlarini xabardor qilish uchun reyestrni shakllantirish sanasi: 2024-yil 15-fevral.

Umumiy yig‘ilishda ishtirok etish huquqiga ega bo‘lgan jamiyat aksiyadorlarining reyestrini shakllantirish sanasi: 2024-yil 4-mart.

Аksiyadorlarning umumiy yigʼilishini oʼtkazishga tayyorgarlik koʼrilayotganda aksiyadorlarga taqdim etilishi lozim boʼlgan axborot (materiallar) aksiyadorlarning elektron manziliga yuboriladi, shuningdek, aksiyadorlar o’zlarini qiziqtirayotgan masalalar bilan oʼzlari uchun har qanday qulay vaqtda ish kunlari soat 9:00 dan 17:00 gacha tanishib chiqishlari mumkin.

Аksiyadorlarning umumiy yigʼilishida ishtirok etish huquqi aksiyador tomonidan shaxsan yoki uning vakili orqali amalga oshiriladi. Аksiyadorlarni roʼyxatga olish jarayoni “NKMK” AJ bosh ofisi binosidagi majlislar zalida (Navoiy sh, Navoiy ko‘chasi, 27-uy) 2024-yil 7-mart kuni soat 10-30 da boshlanib, soat 11-00 gacha davom etadi. Аksiyadorlarda ularning shaxsini tasdiqlovchi hujjat boʼlishi shart. Аksiyadorlarning vakillarida amaldagi qonunchilikka muvofiq tasdiqlangan ishonchnoma va ularning shaxsini tasdiqlovchi hujjat boʼlishi lozim.

Аksiyadorlarning umumiy yigʼilishida ovoz berish “Jamiyatning ovoz beruvchi bitta aksiyasi — bitta ovoz” prinsipi boʼyicha kun tartibidagi masalalar boʼyicha ovoz berish byulletenlari orqali amalga oshiriladi.

Murojaat uchun telefon:

+99879-227-77-50, +99893-521-77-50 (Korporativ munosabatlar bo‘limi)

Elektron manzil: info@ngmk.uz

 

 

 

2023-YIL

“NAVOIY KON-METALLURGIYA KOMBINATI”
AKSIYADORLIK JAMIYATI AKSIYADORLARINING YILLIK
UMUMIY YIG‘ILISHI O‘TKAZILISHI TO‘G‘RISIDAGI

AXBOROT

“NKMK” AJ Kuzatuv kengashi jamiyat aksiyadorlarining yillik umumiy yig‘ilishi 2023-yil 26-oktabr kuni, soat 11:00 da Navoiy shahar, Navoiy ko‘chasi, 27-uy  manzil bo‘yicha (“NKMK” AJ bosh ofisi binosidagi majlislar zalida) o‘tkazilishi haqida maʼlum qiladi.

Umumiy yig‘ilish kun tartibi:

1.    “NKMK” AJ Kuzatuv kengashining 2022-yil yakunlari bo‘yicha hisobotini eshitish

2.    “NKMK” AJ Kuzatuv kengashi yangi tarkibini tasdiqlash

3.    “NKMK” AJ Boshqaruvning 2022-yil yakunlari bo‘yicha biznes-reja ko‘rsatkichlarining bajarilishi, shuningdek, jamiyatni rivojlantirish strategiyasiga erishish bo‘yicha ko‘rilayotgan chora-tadbirlar to‘g‘risidagi hisobotlarini ko‘rib chiqish

4.    “NKMK” AJ 2022-yil moliya-xo‘jalik faoliyatini tekshirish natijalari yuzasidan tashqi auditorning auditorlik xulosasini eshitish

5.    “NKMK” AJ 2022-yil uchun yillik moliyaviy hisobotini ko‘rib chiqish va tasdiqlash

6.    “NKMK” AJ 2022-yil yakuni bo‘yicha olingan sof foydasini taqsimlash, dividend miqdori, uni to‘lash shakli va tartibini belgilash

7.    “NKMK” AJ tashkiliy tuzilmasiga kiritilayotgan o‘zgartirishlar va qo‘shimchalarni tasdiqlash

Aksiyadorlarning yillik umumiy yig‘ilishida qatnashish huquqiga ega bo‘lgan aksiyadorlar reyestri 2023-yil 20-oktabr holatiga ko‘ra tuziladi.

Umumiy yig‘ilish o‘tkazish to‘g‘risida jamiyat aksiyadorlarini xabardor qilish uchun reyestrni shakllantirish sanasi: 2023-yil 4-oktabr.

Umumiy yig‘ilishda ishtirok etish huquqiga ega bo‘lgan jamiyat aksiyadorlarining reyestrini shakllantirish sanasi: 2023-yil 20-oktabr.

Murojaat uchun telefon:

+99879-227-77-33, +99893-521-22-11 (Korporativ munosabatlar bo‘limi)