• Created: 29.06.2022
• Updated: 06.09.2022
• Read: 3027

The project of law was discussed

29-iyun kuni Navoiy shahridagi “Farhod” madaniyat saroyida “O‘zbekiston Respublikasining Konstitutsiyasiga o‘zgartish va qo‘shimchalar kiritish to‘g‘risida”gi O‘zbekiston Respublikasi Konstitutsiyaviy qonuni loyihasi muhokamasiga bag‘ishlangan yig‘ilish bo‘lib o‘tdi.

Tadbirda O‘zbekiston Respublikasi Oliy Majlisi Senati aʼzosi, “Navoiy kon-metallurgiya kombinati” aksiyadorlik jamiyati Boshqaruvi raisi – Bosh direktori Quvondiq Sanaqulov, Qonunchilik palatasi deputatlari Kozimjon Tojiyev hamda O‘ktam Islomovlar  ishtirok etib, so‘nggi yillarda yurtimizda yuz bergan yangilanishlar, Konstitutsiyaga kiritilayotgan o‘zgartish hamda qo‘shimchalarning mazmun-mohiyati haqida atroflicha so‘z yuritdi. 

Maʼruzalarda Konstitutsiyamizga muhim yo‘nalishlar bo‘yicha kiritilayotgan o‘zgartish va qo‘shimchalar davlatimiz va xalqimiz manfaatlariga, aholi turmush darajasini yana-da yuksaltirishga munosib xizmat qilishi alohida qayd etildi.

Shuning bilan birga, yig‘ilishda ishtirok etgan “Navoiy kon-metallurgiya kombinati” aksiyadorlik jamiyati, “Navoiyuran” davlat korxonasi va “NKMK jamg‘armasi” davlat muassasasi vakillariga Konstitutsiyamizga kiritilayotgan o‘zgartish va qo‘shimchalar mazmun-mohiyati keng tushuntirildi.

Ochiq muloqot shaklda o‘tgan tadbirda “NKMK” AJ kasaba uyushmasi Kengashi raisi o‘rinbosari Otabek Temirov, “1-GMZ” kon boshqarmasi direktori o‘rinbosari Alisher Mirzayev, Geologiya-qidiruv ekspeditsiyasi muhandisi Muhayyo Hayitova, Markaziy moddiy-texnik bazasi yoshlari yetakchisi Nauruzbek Asadov, “NKMK jamg‘armasi” davlat muassasasi Yuridik xizmati boshlig‘i Maʼrufjon Muzaffarov, “Navoiy” hududiy boshqarmasi Tibbiy-sanitariya bo‘limi boshlig‘i Alisher To‘qsonov, “Navoiyuran” davlat korxonasi huquqshunosi Alisher Mustafoyev,  6-sonli kasaba uyushmasi qo‘mitasi raisi Davrbek Temirovlar kun tartibidagi mavzuga o‘z munosabati, fikr va mulohazalarini bildirdi.

“NKMK” AJ matbuot xizmati.