• Created: 25.06.2021
• Updated: 25.06.2021
• Read: 5842

TOP-10 gold producing countries in the world

Jahonning nufuzli Forbes nashri xabar qilishicha, Butunjahon oltin kengashi maʼlumotlariga asosan O‘zbekiston oltin ishlab chiqarish bo‘yicha dunyoning yetakchi 10 ta mamlakati qatoriga kirdi.

Mazkur xabarga ko‘ra, 2020 yilda mamlakatimizda 100 tonnadan ortiq (101,6 tonna) oltin ishlab chiqarilgan. Buning natijasida respublikamiz reytingning 8-pog‘onasidan joy egalladi. 2019 yilda ushbu ko‘rsatgich 94,6 tonnani tashkil qilgan.

Forbes nashri O‘zbekistonda maydoni bo‘yicha dunyodagi eng yirik ochiq oltin koni – “Muruntov” koni joylashganligi hamda ushbu kon dunyodagi eng yirik oltin zaxirasiga ega bo‘lishi mumkinligini qayd etdi.

Oltin ishlab chiqarish bo‘yicha dunyoning TOP-10 ta mamlakati quyidagicha:

1. Xitoy – 368,3 tonna.

2. Rossiya – 331,1 tonna.

3. Avstraliya – 327,8 tonna.

4. AQSH – 190,2 tonna.

5. Kanada – 170,6 tonna.

6. Gana – 138,7 tonna.

7. Braziliya – 107 tonna.

8. O‘zbekiston – 101,6 tonna.

9. Meksika – 101,6 tonna.

10. Indoneziya – 100,9 tonna.

Manba: https://www.forbes.com/sites/greatspeculations/2021/06/23/updated-top-10-gold-producing-countries/?sh=2d8418ea2ce2