• Created: 10.05.2021
• Updated: 10.05.2021
• Read: 2096

“Qatag‘on qurbonlari tarixi” muzeyiga ekskursiya tashkil etildi

Xotira va qadrlash kuni munosabati bilan Navoiy kon-metallurgiya kombinati Maʼnaviyat va maʼrifat markazi tashabbusi bilan Navoiy mashinasozlik zavodi ishchi-xodimlari uchun Navoiy shahridagi “Qatag‘on qurbonlari tarixi” muzeyiga ekskursiya uyushtirildi.

Muzey xodimi Dilshod Soibov Toshkentdagi shahidlar xotirasi xiyobonining barpo etilishi, Sovet hukumati O‘zbekistonda olib borgan katag‘on siyosati va uning fojiali oqibatlari, 1980 yillardagi “paxta ishi” kabi katag‘on to‘lqini nafaqat ilm-fan va madaniyat namoyandalari, davlat arboblarini, balki ko‘plab oddiy insonlarni ham o‘z domiga tortgani haqidagi faktlarga asoslangan maʼlumotlar asnosida so‘zlab berdi.

Taʼkidlash joizki, kombinat tomonidan tashkil qilinayotgan bu kabi ekskursiyalar ishchi-xodimlarga maʼnaviy ozuqa berib, ularda Vatanga muhabbat, ajdodlarga, tariximizga bo‘lgan faxr tuyg‘ularini oshirishga xizmat qiladi.

NKMK Matbuot markazi.