• Created: 03.05.2021
• Updated: 03.05.2021
• Read: 2981

Sport – sog‘lik garovi

Navoiy kon-metallurgiya kombinati tomonidan ishchi-xodimlarni jismoniy tarbiya va ommaviy sport bilan muntazam shug‘ullanishga jalb etish, ular o‘rtasida sog‘lom turmush tarzi bo‘yicha hayotiy ko‘nikmalarini shakllantirish, ommaviy jismoniy faollik tadbirlarini tizimli va samarali tashkil qilishga alohida eʼtibor qaratilib kelinmoqda. Har haftada jamoa aʼzolari o‘rtasida bunday sport-sog‘lomlashtirish tadbirlari, chiniqtirish mashg‘ulotlari muntazam o‘tkazilib, sog‘lom turmush tarzini kundalik hayotiga aylantirishga qaror qilgan hamkasblarimiz mazkur tadbirlarda faol qatnashib kelmoqda.

1 may kuni korxona ishchi-xodimlari, yoshlar va xotin-qizlar ishtirokida navbatdagi sport tadbiri bo‘lib o‘tdi. O‘zbekiston Respublikasi Prezidentining 2020 yil 30 oktyabrdagi "Sog‘lom turmush tarzini keng tatbiq etish va ommaviy sportni yana-da rivojlantirish chora-tadbirlari to‘g‘risida"gi farmoni ijrosiga qaratilgan "Har haftada marafon" shiori ostida yugurish marafoni tashkil etildi. Unda ishtirokchilar yana bir karra o‘zlarining jismoniy salohiyatlarini namoyon etishdi.

Tadbir yakunida faol ishtirokchilar, marraga birinchilardan bo‘lib yetib kelgan peshqadamlar tashkilotchilar tomonidan munosib rag‘batlantirildi.

NKMK Matbuot markazi.