• Создано: 09.02.2024
• Обновлено: 09.02.2024
• Прочитано: 1937

Buyuk mutafakkir Alisher Navoiyga ehtirom ko‘rsatildi

Viloyatimizda buyuk mutafakkir, so‘z mulkining sultoni Alisher Navoiy tavalludining 583 yilligi munosabati bilan qator maʼnaviy-maʼrifiy tadbirlar o‘tkazilmoqda. 

Bugun Navoiy shahridagi Alisher Navoiy nomidagi madaniyat va istirohat bog‘ida viloyat faollari, keng jamoatchilik vakillari hamda yoshlar ishtirokida buyuk shoir haykali poyiga gullar qo‘yildi. Tadbirda “Navoiy kon-metallurgiya kombinati” aksiyadorlik jamiyati vakillari ham qatnashdi.

Taʼkidlash kerakki, mutafakkir bobomiz tavalludi kombinat bo‘linmalarida nishonlanishi anʼanaga aylangan. Korxonalarda ishchi-xodimlar uchun maʼnaviy-maʼrifiy tadbirlar, uchrashuvlar o‘tkazilmoqda.

Tadbirlarda buyuk ajdodimiz ijodining ahamiyati, yaratgan asarlari, ijodiy merosining mohiyati, asarlardagi taʼlim-tarbiya, odob-axloq, insonparvarlik, umuminsoniy qadriyatlar kabi mavzular haqida maʼlumotlar taqdim etilmoqda.

“NKMK” AJ Matbuot xizmati.