• Создано: 16.05.2023
• Обновлено: 16.05.2023
• Прочитано: 889

Oila tinch – jamiyat farovon

Bugun Qo‘shrabot tumani Zarkent qo‘rg‘onidagi “Konchi” madaniyat uyida “NKMK” AJ Janubiy kon boshqarmasi bo‘linmalarida hamda “NKMK jamg‘armasi” DM “Nurobod” hududiy boshqarmasida mehnat qilayotgan ishchi-xodimlar uchun 15-may – Xalqaro oila kuniga bag‘ishlangan “Oila tinch – jamiyat farovon” shiori ostida manaviy-marifiy tadbir o‘tkazildi.

Tadbirda “NKMK” AJ ayollar Kengashi raisi S.Nazarova, “NKMK jamg‘armasi” DM ayollar Kengashi raisi N.Xamidova, Navoiy viloyati Ayollarni reabilitatsiya kilish va moslashtirish markazi psixologi M.Shukurova, viloyat “Okila ayollar harakati” aʼzosi J.Ro‘ziyeva, “NKMK jamg‘armasi” DM mutaxassisi J.Shuhratovlar ishtirok etdilar.

Tadbirda so‘zga chiqqanlar tomonidan O‘zbekiston Respublikasining 2023-yil 11-aprelda qabul qilingan “Xotin-qizlar va bolalar huquqlari, erkinliklari hamda qonuniy manfaatlarini ishonchli himoya qilish tizimi yana-da takomillashtirilishi munosabati bilan O‘zbekiston Respublikasining ayrim qonun hujjatlariga o‘zgartish va qo‘shimchalar kiritish to‘g‘risida”gi Qonuni mazmun-mohiyati tushuntirildi. Shuningdek, jamiyatda ayollarning ijtimoiy faolligini oshirish, gender tenglikni keng targ‘ib etish xamda oila va farzand tarbiyasida ayolning masʼuliyatini oshirish mavzusida so‘z yuritildi va mavzuga doir videoroliklar namoyish etildi.

Tadbir so‘ngida ishchi-xodimlar o‘zlarini qiziqtirgan barcha savollariga javoblar olishdi, o‘zaro fikrlar almashildi.

“NKMK” AJ ayollar Kengashi.