• Создано: 08.02.2023
• Обновлено: 08.02.2023
• Прочитано: 1808

Buyuk mutafakkir Alisher Navoiyga ehtirom ko‘rsatildi

Navoiy viloyatida buyuk mutafakkir, so‘z mulkining sultoni Alisher Navoiy tavalludining 582 yilligi munosabati bilan qator ma’naviy-ma’rifiy tadbirlar o‘tkazilmoqda. 

Bugun Navoiy shahridagi Alisher Navoiy nomidagi madaniyat va istirohat bog‘ida viloyat faollari, yozuvchi va shoirlar, keng jamoatchilik vakillari hamda yoshlar ishtirokida Alisher Navoiy haykali poyiga gullar qo‘yildi. Tadbirda “Navoiy kon-metallurgiya kombinati” aksiyadorlik jamiyati vakillari ham qatnashdilar.

Tadbirda taʼlim muasassalari o‘quvchilari tomonidan buyuk mutafakkir qalamiga mansub g‘azal va ruboiylardan namunalar o‘qildi, kuy-qo‘shiqlar yangradi.

Taʼkidlash kerakki, mutafakkir bobomiz tavalludi kombinat jamoalarida qizg‘in nishonlanishi ko‘p yillik anʼanaga aylangan va bunda o‘zgacha ramziy maʼno bor. Chunki navqiron viloyat, shahrimiz, shuningdek, ko‘plab taʼlim muassasalari, ko‘chalar, mahallalar, go‘zarlar, istirohat bog‘lari, kinoteatr va boshqa ijtimoiy-maʼnaviy obyektlar Alisher Navoiy nomi bilan yuritiladi. Bu, albatta, allomaga bo‘lgan cheksiz hurmat va ehtirom belgisidir.

“NKMK” AJ Matbuot xizmati.