• Создано: 16.12.2022
• Обновлено: 16.12.2022
• Прочитано: 1625

Dolzarb mavzudagi tadbir  

1999-yil Birlashgan Millatlar tashkiloti Bosh Assambleyasi tomonidan 25-noyabr “Xalqaro xotin-qizlarga nisbatan zo‘ravonlikka barham berish kuni” deb eʼlon qilingan.

Ushbu munosabat bilan joriy yilning 15-dekabr kuni Nurobod shahridagi “Nurobod” madaniyat uyida “NKMK” AJ Janubiy kon boshqarmasi hamda “NKMK jamg‘armasi” DM Nurobod hududiy boshqarmasi bo‘linmalari ishchi-xodimlari ishtirokida “Xotin-qizlarga nisbatan tazyiq va zo‘ravonlikning huquqiy asoslari”, “Zo‘ravonliksiz oila – farovon hayot sari” mavzularida tadbir o‘tkazildi. 

Tadbirda O‘zbekiston Respublikasi Oila va xotin-qizlar davlat qo‘mitasi Ayollarni reabilitatsiya qilish va moslashtirish respublika markazining Navoiy viloyati hududiy bo‘limi masʼul xodimi Maʼmura Shukurova, Navoiy shahridagi Alisher Navoiy nomidagi jomye masjidi maʼnaviy-maʼrifiy ishlar bo‘yicha bosh mutaxassisi Sohiba Arziqulova, “NKMK jamg‘armasi” davlat muassasasi Ayollar kengashi raisi Nargiza Hamidovalar ishtirok etishdi.  

Tadbir ishtirokchilari “Zo‘ravonliksiz oila – farovon hayot sari” aksiyasi doirasida oila mustaxkamligi, uning maʼsuliyati, fuqarolar o‘rtasidagi kelishmovchiliklar, xotin-qizlarga nisbatan zo‘ravonlikni oldini olish, zo‘ravonlikning turlari bo‘yicha huquqiy tushunchalar berildi, zo‘ravonlikka uchragan hotin-qizlar murojaat qilish uchun 1146 “Ishonch” raqami orqali murojaat qilishi mumikinligi to‘g‘risida tushuntirildi.

Tadbir so‘ngida ishtirokchilarga xotin-qizlarga nisbatan zo‘ravonliklar aks ettirilgan videoroliklar namoyish etildi va mavzuga doir materiallar tarqatildi.

Shu bilan birga, “NKMK” AJ Janubiy kon boshqarmasi va “NKMK jamg‘armasi” DM Nurobod hududiy bo‘linmalarida kasbi orqali hurmat qozongan, o‘zining shaxsiy namunasi bilan jamoada o‘rnak bo‘lib kelayotgan bir guruh opa-singillarimiz bo‘linma rahbariyatining esdalik sovg‘alari bilan taqdirlandilar. 

Shuningdek, kunning ikkinchi yarmida tadbir mehmonlari “NKMK” AJ Janubiy kon boshqarmasi hamda “NKMK jamg‘armasi” DM Nurobod hududiy boshqarmasi tasarrufidagi tashkilotlarda faoliyat yuritib kelayotgan xotin-qizlar bilan yaqindan suhbatlashildi, ular uchun yaratilgan shart-sharoitlar bilan tanishildi.

S.NAZAROVA,

“NKMK” AJ Ayollar kengashi raisi.