• Создано: 07.10.2022
• Обновлено: 12.10.2022
• Прочитано: 1727

Zarafshonda til bayrami keng nishonlan

21-oktabr – O‘zbek tiliga davlat tili maqomi berilgan kunga 33 yil to‘lishi munosabati bilan “Qadring baland bo‘lsin, ona tilim!” shiori ostida Zarafshon shahrida maʼnaviy-maʼrifiy tadbir bo‘lib o‘tdi.

Unda O‘zbekiston Yozuvchilar uyushmasi aʼzosi Odil Hotamov, yosh shoirlar Boboqand Mirzo, Firuz Neʼmatullayev va boshqa ijodkorlar ishtirok etib, o‘zbek tili haqidagi mulohazalari, yangi sheʼrlardan aytilgan namunalar barchada katta taassurot qoldirdi.

Ijodiy muloqotda ona tilimizga bo‘lgan hurmat va eʼtibor, kitobning ahamiyati, ijod ahliga bo‘lgan g‘amxo‘rlik haqida so‘z yuritildi.

Tom maʼnoda, bu ijodiy kecha "Navoiy kon-metallurgiya kombinati" aksiyadorlik jamiyati Markaziy kon boshqarmasi ishchi-xodimlari, butun zarafshonliklar uchun haqiqiy sheʼriyat bayramiga aylanib ketdi.

Shuningdek, tadbirda yangargan kuy-qo‘shiqlar, ijodkorlar tomonidan sovg‘a etilgan kitoblar to‘plami barchaga cheksiz quvonch bag‘ishladi.

"NKMK" AJ Matbuot xizmati.